O leetar ole Pool a bindna GIMU WE NGENNA ROM 12:6 - NQAARIIT NE ROOG

⁶ Roog kaa lasit ci’it um no fud o letu. Ci’it ke koy kaa nguutatir, ndaa i mbara o njiriiñoor a den, oxuu refna fo ne Roog a lastoonga. Oxuu ci’eena o jo’tanaa a Roog, fat a fi’in, ta yoon fo o ngim onqe.

O leetar ole Pool a bindna GIMU WE NGENNA ROM 12:6 Referans Kwoze

1 Korint 7:7

Ndigil oo, ke moƴan’axama fop a mbi ne fi’uuma, ndaa tanq Roog kaa mbogree. Kaa danqaa oxene kene, oxaana kaana.

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

O leetar ole Pool a bindna GIMU WE NGENNA ROM 1:11

Yaam kaam bug o ga a nuun lool boo ɓisiid a nuun barke faa inoorna no Yiif le Roog, ndax nu mbaag o saƭik no ngim onqe.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

Efees 4:11

O ten cooxu wiin we ci’it pogreer ke. Kaa ci leng we, da ndef apootar, wene, ta ci a den, da njo’tanan, waana waawaare Yegil mbaax ne mbaat gaynaak no gimu we mbaat jaajangin.

1 Korint 14:1

Keene koy taxu nu mbar o ndiirooxaa o mbeq. Kaa koy, mbaaƭyo itam lakas ke Yiif le Roog a ci’taa. Ci’it ne nu mbarna o moƴ o mbug teen refu ci’it o njo’tanaa a Roog.

2 Korint 8:12

Yaam boo hebooxoona o ci’it, yaaga xan Roog a jaɓ ke ci’toona no ke jegoona, soo a fañ o ɓaal ke jegeeroona.

1 Tesalonik 5:20

too ba nu nqeef ci’it o jo’tanaa a Roog,

1 Korint 14:29

No we na njo’tanaa a Roog itam, fat ɗik mbaat daduk a lay, lakas we a ƥaal ke layeena.

A pi ake 15:32

Yudaa fa Silaas we ndeeƭna joojo’tan a Roog itam, a saƭakinooga fog gimu waa, too a ndif’itaa a den fa lay fa mayu.

A pi ake 2:17

‹No ñaal palakaand ke, xam fudniid Yiif le mi took no wiin we fop, xa ƥiy xa koor axe nuun fo xa ƥiy xa tew axe nuun xan a njo’tanaxam. xa pes axe nuun a nga’aa, a mbeeñooxeel, soo nogoy we nuun a ƭaaɗaa.

Filip 3:15

Yaaga boog, in fop we ñakna sik, fat i mbog xalaat fa leng kut feene. A soƥangaa itam ee kaa nu njeg maa xalaat a guutatiritna fa feene, xan Roog a xoolandanin a nuun.

Efees 3:5

Kunpa feene andnoor’aand wiin we no camaane ke mbaafna. Ndiiki koy, Roog, na pexey Yiif le ten, a feeñlaan apootar tedu we ten fo duleer we ten.

A pi ake 13:1

A jeg’a no mbokatax ne no gimu we Ancook duleer Roog fo jaajangin. Den ndeeƭu Barnabaas fa Simewon fee lastitoogeena Ɓaal fa Lukiyus fee genna Kireen fa Sool fa Manahen. Manahen feene koy, deƥandoong’u fo o maad Herood.

YEGIL MBAAX NE YEESU ne Lik a bindtuuna 11:49

Ten taxu, oxe na xoyeel o Jeg-yiif ole Roog a laya yee: ‹Xam ɓisiid a den duleer fo apootar. Xan a mbar leng we, lakas we da ñagadil a den.›

Mace 23:34

Ten taxu nan-gilooxaamoo! Mexe ɓisiidaa me nuun duleer fo yaal-o-and fo waa na mbugko njangnaa a Pind a Tedu ke. Kaa koy, xan nu mbar leng we, lakas we nu ndeng a den na kurwaa, we yoqna nu nqaw a den xa cap kam pind a qeƭ ke nuun, soo ñagadilit a den na teeru boo na teeru.

1 Korint 14:24

Kaa koy, boo fop a njo’tanaa a Roog, o kimeer a fadiid, a soƥ a den teen, xan a ga’ood ne ta nandna, ta fi nen hate no ten,

A pi ake 21:9

O koor oxeene a jeg’a xa ƥiy xa tew xa nahaq xa tolooxafuleer. Roog weene a njo’tanooga a Roog.

1 Korint 3:5

Xar Apolos mbaat Pool a ndefu? Faɗ lule soom i ndefu, waa mbi’oogna, oxuu refna ke o Yaal oxe a coox’uuna, ndax nu ngimit na in.

1 Korint 12:18

Kaa Roog a doon tig oo tig no cer ke maa feluuna.

2 Piyeer 1:20

Nu mbara o and kene a qool qac: A ƭelem ake duleer we a layna, a mbindin kam safe le Roog, reeƭee koy ee den fa qoox den nqalaatoogu a den.

Mace 25:22

Oxe daaw’ina xa qanjar xa ƭaq axe itam a matiida, a layin ee: ‹Yaal mbind! Xa qanjar xa ƭaq doxin’axamo, rimandaam xa qanjar xa ƭaq xa lakas.›