O leetar ole Pool a bindna GIMU WE NGENNA ROM 12:19 - NQAARIIT NE ROOG

¹⁹ Qaariit es, ba nu ndabdinooxan a qoox nuun muk, ndaa nqaƴyo Roog a ɗaxit fuux um. Yaam a laye na Pind a Tedu ke yee: «Mi ndabdinax a helu, too mi na rabidkaa.» Keene o mat o Yaal oxe a layu.

O leetar ole Pool a bindna GIMU WE NGENNA ROM 12:19 Referans Kwoze

A cangatin ale 32:35

Mi ndabdinax a helu, too mi na rabdaa. Xa caf den xan a send, yaam ñaal ne na naqad den a matiida, ke na cungaa a den a faambnoox.

Hebre 10:30

yaam i anda oxe layna yee: «Mi ndabdinax a helu, too mi na rabidkaa.» A doona teen ee: «O Yaal oxe xan a hate xeet um.»

Xa peƭit axe 24:29

Ba o lay ee: «Xam fi’in ne ta fi’axama, ɓoxotin a pi um!»

Xa peƭit axe 20:22

Ba o lay ee: «Xam rabdinoox paaxeer ke fi’eema.» Dooni yaakaar of no Yaal oxe, too xan a dimle’ong.

O leetar ole Pool a bindna GIMU WE NGENNA ROM 12:17

Ba nu ndabdinooraa ƭomu fo ƭomu. Mbaaƭyo mbaambir no wiin we fop maa nu mbi’itna paax.

1 Tesalonik 4:6

No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.

A paɗax ale 19:18

Ba nu ndabdinoox, too ba nu mbuuxan o pog nuun. Fat oxuu refna a fex o kend um nen a xoox um. Mi refu o Yaal oxe.

O leetar ole Pool a bindna GIMU WE NGENNA ROM 12:14

Nqeɗyo a Roog, ndax ta barke we na toroxandaa a nuun. Ba nu nqeɗ maa ta salooxitna a den, ndaa nqeɗyo ndax barke um a fudoox took den.

A cangatin ale 32:43

Nuun qeet ke, simatyo xeet fee no Yaal oxe. O Yaal oxe kaa rabdinooxaa fo’oy le no dag we ten, a xawaa fañ we ten soo a ɓogdaa saax um fa xeet um.»

Mace 5:39

Mi koy, mexe layaa a nuun ee: Ba nu ndabdinoor fo xe na fi’aa a nuun ƭomu. O kiin a faɗangaang no ɗek o ñamaak, cooxeen o ɗek o janoon ole itam.

O leetar ole Pool a bindna GIMU WE NGENNA ROM 13:4

Roog o mat doxnu a den calel keene yaam jam of. Boo andoona yee paaxeer o fi’aa, fat o saɗar, yaam refee yee o ƥor o ƥor taxu da ndeegoox laƥ ne. Roog o mat dalnu a den, ndax da laltaa fuux um took no we na mbi’aa paaxeer.

1 Sami’el 25:33

Xeɗaan o barke’el no yiif le jegoona boo gar xañtaxam a bar, ndax um rabdinooxan a xoox es.

1 Sami’el 25:26

Ndiiki koy, o yaal es, ne ta wooritna yee o Yaal oxe xe ñoowaa, o ñoowaa wo itam oo, o Yaal oxe fa xoox um sax xañtong a bar fo a tabdinax. Yaasam muj no fañ of fo we mbuganoonga paaxeer a nand fa fee Nabal.

Heseki’el 25:12

Keeke o Yaal oxe na refkaa boo faw a layu: «Yaam a pi a tabdinoor ake Edoom a soobooxna took mbind Yudaa, feek kaa gadin a xoox um tooñ ye ta rabdinooxna,

1 Sami’el 26:10

A dakooxaan o lay ee: «Ne ta wooritna yee o Yaal oxe xe ñoowaa, neene a woortu yee o Yaal oxe fa xoox um na warkan, ta ref ee kaa hap um a fadkaa rek ta xon mbaat ta ret na xire, a xonit maaga.

1 Sami’el 26:11

Yaasam o Yaal oxe a muclaam no xuuf o ñoow no maad oxe ta ɗuumoodna. Jangi rek a salma le ten refna paam hakandax le ten fo o nqaw foofi nqe, soo i ndet.»

Yeremi 51:36

Ten taxu keeke o Yaal oxe a layu: «Ga’angi, xam fartong, rabdinooxanong. Xam weerin o maag ole Babilon, ŋiisin a cur um.

Efees 4:27

Ba nu ci o ƈiƴ oxe o gom olaa ta gartitna a nuun took.

2 Timote 4:14

Aleksaandar o paal o tafax oxe a fi’axam ƭomu, ndaa xan o Yaal oxe a rabdin a pi um.