O leetar ole Pool a bindna GIMU WE NGENNA ROM 12:16 - NQAARIIT NE ROOG

¹⁶ Njegyo njofoor a ndeer nuun. Ba nu magnandoox, ndaa njaɓyo ke neewandooxna fop. Ba nu mbi’oox nen waa njegna o and muk.

O leetar ole Pool a bindna GIMU WE NGENNA ROM 12:16 Referans Kwoze

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

Xa peƭit axe 3:7

Ba o fi’oox o cegu yiif. Saɗari o Yaal oxe, wootoox paaxeer.

Hebre 13:5

Baa o ñoow nuun a haan na baaƭ xaaliis soom. Ndamyo no ke nu njegna rek, yaam Roog kaa lay ee: «Xaƴkiroong muk too deɓkiroong»

Esayi 5:21

Ndaw naqad took no we na ƭeetaa a qoox den nen waa njegna o and, soo a mbi’ooxaa jegu yiif.

O leetar ole Pool a bindna GIMU WE NGENNA ROM 15:5

Yaasam Roog fee na muñantaa, too a yaalaa, a fi boo nu mbaag o ñoowaa no njofoor a ndeer nuun, ndeeftin ne Kiristaa Yeesu a laltituuna,

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

YEGIL MBAAX NE YEESU ne Lik a bindtuuna 14:13

Kaa koy, boo o xurtataa, xoyi rool we fo xaru we fo ɓoof we fo fuul we.

Xa peƭit axe 26:12

O xetangaa fo xaa na fi’ooxaa o cegu yiif, andi yee yaakaar a fanxoy moƴu o yaakaarin.

1 Korint 8:2

Oxuu foogna yee a jega kaa ta andna, andiran a qool qac.

1 Korint 6:5

Andaa yee kaaga gaci yoo na nuun de! Yaam kaa nand nen jegee o leng na nuun oxaa jegna yiif, a waag o hate gimu ɗik waa ndaawirna.

Yeremi 45:5

Soo wo o mat, o waaƭanaa a xoox of tig maak! Ba o waaƭ a den! Yaam mi o Yaal oxe, xam ɓisiid taamaala took mbindeef nuu refna. Kaa koy, xam ci’ong a muc o ñis of muu retoona.»

Filip 4:2

Bugaam o as a Ewodi, as a Sintik da mbog xalaat fa leng kut no Yaal oxe.

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

YEGIL MBAAX NE YEESU ne Lik a bindtuuna 6:20

Maaga, Yeesu a faambra fo daalbe we ten, too a jangin a den ee: «Nuun we ñakna halal, nu ƭaaya, yaam Maat ne Roog nuun a refanu!

Mace 26:11

Rool we owe fa nuun bes fuu refna, ndaa mi, refkiim fa nuun boo faw.

Mace 11:5

Fuul we owe nga’aa, ɓoof we a ñaaƴaa, we njegna a tik-a-maak ale a nqoolandeel, ram we a nanaa, xon we a nqontooxaa, soo Yegil mbaax ne a yegneel rool we.

1 Piyeer 5:3

Ba nu mbaaƭ maa nu kelfa’itna we nu ndoxneena, ndaa fat nu ndef a lalgand no siir ole.

Filip 3:16

Me i mbodna ndiiki, fat i yoon, ñaaƴ mbaambir.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

1 Korint 1:10

Fog es, kaam bug, no gon no Yaal in Yeesu Kiristaa, nu mbog ɗelem leng kut, ndef o leng, nqaajoor a ñak a ndeer nuun. Kaam ee fat nu mbokatoor ndef o leng, mbog xalaat fo o liir.

A pi ake 4:32

Mbokatax naa no waa ngim’ina fop kaa mbog’u xeeñ leng fo yiif leng. O leng layoogee yee kene mi jegun, mbaat kaana wo jegun, ndaa o jeg den fop kaa mbokatoogun.

Yeremi 32:39

Xam coox a den yiif leng kut fo a ƭat a leng, ndax da saɗaraam kili, a njeg o ɗaay, den fo xa taan den.

Xa peƭit axe 19:22

O woor refu ke moƴna no kiin, too ref o ndool moƴu ref o maamaaɓ.

Xa peƭit axe 19:17

Oxe na yirmaa o ndool onqe, o Yaal oxe a rawnaa, too xan a rabdin a pi um.

Xa peƭit axe 19:7

Fog we no ndool onqe fop kaa mbañan. Nam boog qaariit um a ngoƭitkeerun? A bugangaa lay fa den sax, da naangin mes.

Ke bindeena no xe ne’eena YOB 36:5

Roog a jega katil, naagee deɓaa o leng. O jeg-yiif um jegee hap.

2 Caloori ke 30:12

O Yaal oxe a duqa a qeeñ ake na xeet fee kam Yudaa itam soo da njaɓ ke o maad oxe fo kelfa ke a ngeblitna too ta inoor no Yaal oxe.

3Saŋ 1:9

A jega o leetar olaa binduuma gimu we no saax nuun, ndaa andaa Joteref: O kiin oxaa na gindreel a adax a refu, ten taxu ta fañ o reef ke xeɗooxooguuma a den.

O leetar ole Pool a bindna GIMU WE NGENNA ROM 6:2

Boo muk! Yaam ne i nqonna, i ƭegoora o kay fa bakaad. Nam i mbaagu o ndakoox o ñoowatinik kam bakaad koy?

Xa peƭit axe 17:5

Oxe na xaadnooxaa o ndool onqe kaa xeef oxe sakuuna, oxe sawarna na taamaala no lakas ñakkaand o xaw.

Xa peƭit axe 26:5

Leek-leek doonti a fanxoy fee o ƥodaxel um, yaam ndik ta ɗeet a xoox um nen o cegu yiif.

O leetar ole Pool a bindna GIMU WE NGENNA ROM 11:20

Keene ndigil kak oo de! Kaa a naaq ake a ƭeg’el yaam o ñak o ngim den, soo wo o mat o dugandel na seek den yaam o ngim of. Kaa koy, ba o laasoox na dara. Kaa o war o saɗar kañ,