O leetar ole Pool a bindna GIMU WE NGENNA ROM 12:13 - NQAARIIT NE ROOG

¹³ Fog nuun no ngim onqe, nu ƈufig a den yaa da ndefna na soxla, ndalnaa a paax we na ngaraa me nuun.

O leetar ole Pool a bindna GIMU WE NGENNA ROM 12:13 Referans Kwoze

Hebre 13:16

Ba nu mbeecit muk o mbi’aa ke faaxna, ndimle’raa a ndeer nuun. Sadax nandu neene ndefu ke mbelna a Roog.

2 Korint 9:12

O ndimle nqe no sadax ke nuun refee ƭaxir coxla no gimu we soom, ndaa kaa ref sax a cur a cookir a njal a Roog.

1Saŋ 3:17

O kiin a jegangaa kalal adna, too a ga o pog um a ref na soxla, soo ta ɓalgin laaw um, nam o mbeq onqe Roog a gentu no ten?

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

1 Piyeer 4:9

Naangyo ndalniraa a ndeer nuun kam pind ke nuun, too baa ref fo a cadax.

Galati 6:10

Yaaga boog, ye i maadna o njegaa o daaw, fat i mbi’anaa oxuu refna paax. We i mbarna o moƴ o mbi’anaa paax sax ndefu fog in no ngim onqe.

Hebre 13:2

Ba nu mbeecit muk ee, nu mbara o ndalnaa we na ngaraa me nuun. Leng-leng we mbesoorna neene, a ndalna malaaka sax too andiran.

1 Timote 3:2

Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

Mace 25:35

yaam kaam xeexel’el, nu cooxaam um ñaam, um hoɗomel, nu ci’aam um yer. Reeƭaam o kenar itam, soo nu ngenaraam.

Filemon 1:7

O pog es, o mbeq of a ɗaaynooraxam lool, too a saƭakinaxam, yaam na wo, xeeñ le no tedu we a daltu.

Tiit 1:8

Kaa war o ref oxaa na genaraa we na ngaraa no mbind um, a fex ke faaxna, a fod, a jof na pi um, a ted, a ɓuuɓ.

2 Korint 9:1

Soxla’atee sax um bindahinaa a nuun kaa farna no ndimle nqe wareena o lultiid we mbogna na xeet fee Roog,

A pi ake 10:4

Korney a naaga malaaka faa jak a kid kam a kid, a diid bo. A doonaan ee: «O Yaal oxe, xar oo koy?» Maaga, malaaka fee a layaan ee: «A qeƭ ake wo fo sadax ke wo a mbadiida boo mbaambir Roog, too a wetandooxa a den.

A pi ake 4:35

a ƥisiid njigand ne no ke da njikooxna na xa ƥay axe no apootar we. Xaaliis feene koy, a nqaajanooga teen o kiin oo kiin ke ta soxla’na.

1 Korint 16:15

Fog es, a jega lakas kaa um xeɗaa a nuun: Nu anda yee Akayi boo Akayi a xet, mbind Estefanaas eetu o ngim, too nu nga’a ne da mboŋkitna o ndimle’aa tedu we Roog.

O leetar ole Pool a bindna GIMU WE NGENNA ROM 12:8

Oxe jegna ci’it o saƭakinaa lakas we, fat a saƭakin a paax. Oxe na ci’taa, fat a fi’in no fud o letu. Oxe na ɗoxaa, fat a jaflax no ke ta ɗoxaa. Oxe na dimle’aa rool we, fat a fi’an fo o ɗaay.

A kim a tedu ke 41:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

2 Sami’el 17:29

fo suum fo xamb fo neew fo paal fo fo sal naak. Keene fop a ƥisiidaan a Dawid fo yoon um, yaam kaa nqalaatoogu yee weeke a mbara o lot na koƥ-a-ƥor ale yaam nqeex fo a koɗom.

2 Maad we 4:10

Fat i mbi o ndok-took o saƭku, sipanin maaga njong, a taabul, moofir fo o lampa, ndax a garatangaa me in, a waag o moof maaga.»

Xa peƭit axe 31:20

Kaa muƥtanaa o toroxu xe o ɓay um, rool we, ta letin a den a naax um.

Tiit 3:14

Wiin in itam a mbara o aqatoox a pi a paax, a njalaa, ndax da ƭaxaa soxla fuu refna. Keene refu a pi a qatkeer.

3Saŋ 1:5

Wo fee fexuuma, ngor tigi lalto, ye dalnoona we i mbogitna o ngim, boo no gimu lakas waa inoorna no saax jan.