O leetar ole Pool a bindna GIMU WE NGENNA ROM 12:12 - NQAARIIT NE ROOG

¹² Fat o ɗaay a ref fa nuun yaam yaakaar ne nu njegna. Njegyo o muñ kam coono ke, too ngen no nqeɗaa.

O leetar ole Pool a bindna GIMU WE NGENNA ROM 12:12 Referans Kwoze

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

Hebre 10:36

Kaa nu mbar o saƭik kañ, ndax nu mbadin o bug ole Roog soo mbaag o ndaaw ke ta regitna,

A kim a tedu ke 62:8

A muc es fo o ndam es na Roog a ngataa. Ten refu ɓil jegu doole es fo njaɓnooxand es.

1 Piyeer 4:13

Kaa nu mbar o mbelakinoox kañ, yaam ne nu njegna a las no coono ke Kiristaa, ndax nu may fo o ɗaay itam, yaa o ndam onqe ten a feeñilkeel.

Saak 5:7

Fog es, ten taxu mexe layaa a nuun, nu muñ boo na waxtu faa o Yaal oxe a nomtooxiidkaa mene. Nandyo fo o qooxoox: Ngam a fadangaa, o qooxoox kaa duufaa, soo a ref no cungaa bes faa a teƥ a ɓogkaa a cun ake.

Hebre 6:15

Abraham a cungooga fo o muñ, too neene a daawa ke Roog a regit’ina.

Hebre 6:12

I mbugee nu tayil, ndaa fat nu laalaa we ngimna na Roog, too a muñ, yaam kaa ndaawaa ke Roog a regitna.

Filip 4:4

Naangyo o mbelakinooxaa kili no Yaal oxe, kaam ee naangyo o mbelakinooxaa!

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Kolos 4:2

Nuun fop, fat nu njof mbaambir na qeƭ, yokoox teen, ndef no ngidim.

2 Tesalonik 3:5

Yaasam o Yaal oxe a ɗox a qeeñ nuun, nu mbex a Roog, too njeg o muñ ole na inooraa na Kiristaa.

1 Tesalonik 5:8

Fat i mbod no ke i mbi’aa, in we ndefna na qoolaand ale. Fat ndoki njelem in a ref o ngim fo o mbeq, soo o maxanda njelem in a ref i yaakaaraa a muc ale.

A pi ake 1:14

Den fop kaa mbog’u xeeñ leng, a ngen na qeƭ. A jeg’a itam rew leng-leng nen a Mari fee ya Yeesu fo xa teɓ axe Yeesu.

A kim a tedu ke 37:7

Naagi cel mbaambir no Yaal oxe, cungin fo o muñ. Baa oxe mayna muud a fuuxnoorong, ten oxe na fadnaa yuuƥ paaxeer um.

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

Xa peƭit axe 10:28

Jofu we xan a ndaaw fo o ɗaay ke da cungaa, yaakaar ne no soxodu we mat a tas.

Hebre 10:32

Mbetandooxyo ñaal eetaand ke nuun! Ye nu sogna o ndaaw a qoolaand ale, kaa nu njimboox’u na ñox a maak a ƭomu, yoonandtin o muñ.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

A kim a tedu ke 109:4

Ke fexuuma a den fop oo, kaa njambaxam, ndaa yaqanee um ref no xeɗaa doŋ.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

A kim a tedu ke 40:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

Mbeeñil 13:10

Oxuu jagandaneena mbaƭ, xan a ref o paɗ. Oxuu jagandaneena o wartel laƥ, xan a wartel laƥ. Ten taxu we mbogna na Roog a mbara o lalit o saƭkel fo o ngim.»

2 Piyeer 1:6

Ƥaatyo itam no and ole nuun o ɓuuɓ, no ɓuuɓ ole nuun o muñ, no muñ ole nuun o damoox na Roog,

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

2 Tesalonik 1:4

Ten taxu nu ndefat kañoor in kam pokatax ke no we ngimna na Roog, yaam ne nu njegna o muñ fo o ngim kam ñagadil ke fop fo naqad ke fop na ndalaa took nuun.

1 Korint 13:13

Yaaga koy, tig tadik kene rek saƭku, too den na yoqkaa, ta ref o ngim fo yaakaar fo o mbeq, ndaa ke moƴna o magin no tadik keene refu o mbeq.

O leetar ole Pool a bindna GIMU WE NGENNA ROM 15:4

Ke i soƥna kam a Pind a Tedu ke fop kaa mbind’el yaaga, ndax ta jangin a in o muñ, a ci a in a yaalax. Neene, xan i njeg yaakaar na pexey a Pind a Tedu ke.

YEGIL MBAAX NE YEESU ne Lik a bindtuuna 21:19

Na pexey o saƭkel nuun nu muclitkaa xa laaw nuun.»

YEGIL MBAAX NE YEESU ne Lik a bindtuuna 8:15

Ax ke nduufeena kam lanq paax ke tektu we na nanaa fa lay fee Roog, a njaɓin fo xeeñ letu fo o woor, a ndamin, soo a ndimaa.»

Xa peƭit axe 14:32

O soxodu xe, kañaan um na maafan, o cofu xe mat a jega a koolax boo na fa nqon.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

O leetar ole Pool a bindna GIMU WE NGENNA ROM 8:25

Mee ndax boo i yaakaaraa ke i nga’eerna, kaa i cungtan o muñ.

Tiit 3:7

ndax ne i njofandteena yirmande um, i mbaag o lam o ñoow o fagkeer ole i yaakaaraa.

2 Timote 3:10

Wo o mat, reefaa a cangin es fo a ñaaƈooƭ es, ref o paar o nand es. Andaa itam o ngim es fo o muñ es fo o mbeq es fo o saƭkel es

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

Filip 3:1

Fog es, mbelakinooxyo no Yaal oxe. Dapatinaa leng kut ke no leetar oleeke xijliraam, too ten na saƭakinaa a nuun.

2 Korint 12:8

Xeɗaam o Yaal oxe boo a caf a tadak, ndax ta sut a bej aleene na mi.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

A pi ake 12:5

Piyeer kaa yetooxoogel na kaso faa, ndaa we mbogna no fog olaa no gimu waa kaa nqeɗanoogun a Roog kili.

A pi ake 6:4

Neene itam, in fa qoox in, xan i mbaag o ndam no nqeɗaa, too ndef no calel ke na waare fee.»

A pi ake 2:42

Kaa ndamoogu a cangin ale no apootar we, a mbog o liir, a ndeeraa a cu’ax ale no Yaal oxe, soo a nqeɗaa.

YEGIL MBAAX NE YEESU ne Lik a bindtuuna 10:20

Ndiiki boog, ba nu mbelakinoox yaam ne cini ke a nananaa a nuun, ndaa mbelakinooxyo yaam ne a kon nuun a mbindeena na asamaan.»

Mace 5:12

Mbelakinooxyo, too ndef kam o ɗaay, yaam ndabid nuun xan a magin na asamaan. Ba nu mbeecit itam ee neene duleer we adooxna a nuun a ñagadilit’e.»