O leetar ole Pool a bindna GIMU WE NGENNA ROM 12:1 - NQAARIIT NE ROOG

¹ Fog we, ne Roog a letinna yirmande um took in, mexey xeɗaa a nuun, nu ƥoxotin cer nuun nen sadax faa na ñoowaa, a ted too a felin bo. Neene nu mbaru o mbaɗoortaa a Roog.

O leetar ole Pool a bindna GIMU WE NGENNA ROM 12:1 Referans Kwoze

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

O leetar ole Pool a bindna GIMU WE NGENNA ROM 6:19

Kaam yooɓandataa fa lay es yaam ne o and nuun a jaakeerna. Yaaga, kaa nu ƥoxotoox’u fo cer nuun fop nen faɗ waa na njalanaa qoolaƭaru fo paaxeer, boo nu siiknoor fa Roog. Neene itam, fat nu ƥoxotoox fo cer nuun fop nen faɗ waa na njalanaa o cofel ole, ndax o ñoowooƭ nuun a ted.

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

A kim a tedu ke 19:14

Guutatirandaam itam, mi fee o tag of fo tooñ ke mbeejoodna lool, baa da ngupaam doole muk. Maaga, xam ñak ƥanjel, xool na bakaad fa maak.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

2 Korint 4:16

Ten taxu i mo’nee njambaar in, too sax ke refna ngiin tafil in a yaqooxangaa, xan ngiin kam ne a saxatinaa ñaal oo ñaal.

A kim a tedu ke 116:12

Nam um rabditkaa o Yaal oxe paax ke ta fi’anaxama fop?

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

2 Korint 5:20

In ndefu we Kiristaa a lulna, soo ta nand nen Roog fa xoox um na layaa fa nuun na pexey in. In we nqeɗaa a nuun no gon Kiristaa nu njaɓ o njofoorandel fa Roog.

Esayi 56:7

xam ɓisiid a den took o joong o tedu le mi. Xam mayƭand a den fo o ɗaay kam Mbind a qeƭ ne mi, jaɓ sadax toxel ke fo sadax lakas ke da ƥoxotkaxam fop took o sadaxand ole mi, yaam Mbind es xan a xoyeel Mbind a qeƭ no qeet ke fop.»

Efees 5:10

Ngoorgoorlooxyo o njekit ke felna o Yaal oxe.

Filip 2:17

Um warange sax oo, fo’oy es kaa nandkaa soom nen ƥaate took o ngim onqe nu ƥoxotna a Roog nen sadax, sawaraam teen, felakinooxaa fa nuun, nuun fop.

1 Korint 1:10

Fog es, kaam bug, no gon no Yaal in Yeesu Kiristaa, nu mbog ɗelem leng kut, ndef o leng, nqaajoor a ñak a ndeer nuun. Kaam ee fat nu mbokatoor ndef o leng, mbog xalaat fo o liir.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

1 Piyeer 2:20

O njiriiñ onqum jegu boog no roxondoox a qaw a ƭomu le, yaa fi’oona bakaad? Kaa koy, a refangaa yee kaa nu ndoxondooxan yaa nu mbi’aa paax, yirmande a refu mbaambir Roog.

Filip 4:18

Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

O leetar ole Pool a bindna GIMU WE NGENNA ROM 15:30

Fog we, yaam Yeesu Kiristaa fee refna o Yaal in fo yaam o mbeq onqe Yiif Tedu le a ci’taa, kaam xeɗaa a nuun nu yoon fa mi, maafrel, nqeɗanaam a Roog.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

Yeremi 6:20

Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

1 Timote 2:3

Keene a faaxa, too a fela a Roog fee o Muumucil in.

1 Tesalonik 5:12

Fog we, in we nqeɗaa a nuun, nu niw we na njalaa fa nuun, a ƭoxaa, too a saƭakinaa a nuun no Yaal oxe.

YEGIL MBAAX NE YEESU ne Lik a bindtuuna 7:47

Ten taxu, mexe layang o ten ee: O mbeq o maak onqe ta feeñilna, a lalta yee pakaad mayu ke ten a mbaasane. Kaa koy, oxe waasaneena o ndik, o ndik rek a fexaa.»

Hebre 13:22

Fog we, kaam xeɗaa a nuun keeke: Nan-gilooxyo fo o muñ a ƭelem akeeke na saƭkinaa, yaam ke binduuma a nuun no leetar oleeke jaakee.

1 Timote 5:4

A soƥangaa koy ee o ñaaw oxe kaa jeg xa ƥiy mbaat xa taan axaa ngeenooxuuna, wiin we no ƥasil neene a mbara o lalit ee kaa ndeefaa a Roog. A mbara o ngeenoox a paax we ngeenoox’ina a den yaaga mbaagoodee dara. Kaaga kaa felna a Roog tigi yoo.

1 Tesalonik 4:10

Keene sax refu o mbeq onqe nu njegna a ndeer no fog gimu we Makedoni fop, ndaa koy fog we, in we nqeɗaa a nuun a koorgoorlax nuun a moƴ o jof mbaambir.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

Hoose 14:2

Wo Isra’el, nomtooxiidi me no Yaal oxe Roog of, yaam tooñ of a maafaang junjang.

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

A cangatin ale 14:2

Kaa nu ndef xeet faa kesaneena o Yaal oxe Roog nuun. Ten jilu a nuun, ndax nu ndef xeet faa ta jegoodna a ndeer qeet lakas ke no lanq ke fop.»

Filemon 1:9

ndaa ke moƴanaxama koy, um xeɗong no mbeq. Mi Pool, ke refuuma ref o nogoy fop oo, soo doon teen ref oxaa jengeena yaam Kiristaa Yeesu,

Filemon 1:10

mexe xeɗooxanang a Onesiim. O ƥees oo na Kiristaa, yaam meeke kam kaso fee, faap um refatum no ngim onqe.