O leetar ole Pool a bindna GIMU WE NGENNA ROM 11:9 - NQAARIIT NE ROOG

⁹ Dawid itam a lay’a yee: «Yaasam o rox den a ref mbog naa na damaa a den, ndax da yen, boo a qaw ale a dal took den.

O leetar ole Pool a bindna GIMU WE NGENNA ROM 11:9 Referans Kwoze

A kim a tedu ke 28:4

Rabdi a den mbef den, paaxeer ke da mbi’na a sagoox a den, da muudoor jale den, a ndaaw ndabid ne helna a den.

Hebre 2:2

Yaam a soƥangaa yee fa lay fee malaaka a yegnitna a fadnooxa, too tooñ fo nanaƭar nuu refna a ndaawa a qaw alaa da njagitna,

YEGIL MBAAX NE YEESU ne Lik a bindtuuna 12:20

Kaa koy, Roog a layaan ee: ‹Nawtul fene! O yeng oleeke sax sax xan o ñis of a xuufel, too yaaga boog an na jegkaa ke geeroona?›

Esayi 66:9

O Yaal oxe kaa tee: «Ndax xam gaajin boo ƴut soo xañit o njaaƈ onqe a ñootel?» Roog of kaa tee: «Mi fee na jagandaa o rimel, ndax xam xañit ta jeg?»

Esayi 59:18

Xan a rabid pindeef ke a pi den, fuux um a yen no noon um, ta xaw fañ um soo a rabid we ngenna na pimb ake a pi den.

Xa peƭit axe 1:32

O fañ o jeg-yiif ole na warkaa oxe raƥna yiif, o ñak a qalaat a saŋik a fanxoy fee.

A cangatin ale 32:35

Mi ndabdinax a helu, too mi na rabdaa. Xa caf den xan a send, yaam ñaal ne na naqad den a matiida, ke na cungaa a den a faambnoox.

Mace 16:23

Kaa koy, Yeesu a geleerooxa, soo a layin ee: «Saytaane, riƈatooxaam! Kaa o bugaam o tolofnoor, yaam a qalaat of mbogree fo a qalaat Roog, a qalaat no kiin oo.»

O leetar ole Pool a bindna GIMU WE NGENNA ROM 14:13

Ba i ngate’rat a ndeer in! Fat nu mbosoox o mbañ o mbi dara kaa waagna o tax o pog nuun a tolof mbaat ta yen na bakaad.

Ke bindeena no xe ne’eena YOB 18:10

O ƥaak ole kaa ɗasnel kam lanq ke, ke na damkan a ref na ƭat um.