O leetar ole Pool a bindna GIMU WE NGENNA ROM 11:8 - NQAARIIT NE ROOG

⁸ A Pind a Tedu ke a lay’a kaa jofna teen ee: «Kaa Roog a dirin a yiif den, a fuulin a kid den boo nga’ee, a sux nof den boo nanee. Keene koy, kaa maadaa boo no ñaal ne xaye.»

O leetar ole Pool a bindna GIMU WE NGENNA ROM 11:8 Referans Kwoze

A cangatin ale 29:4

Ɗoxaam a nuun boo xa kiid qarɓeen nahik kam a koƥ-a-ƥor ale, too ñirax ke nu ndokooxna siɗooxee, xa ñaaƭ axe na caf nuun ñaamooxee.

Esayi 29:10

yaam o Yaal oxe kaa ɓek na nuun yiif ɗaaɗaan, a fuulin a kid nuun ndefna duleer we soo a muur xoox nuun refna ɗeet we.

Heseki’el 12:2

«Wo fee o ƥiy no kiin, kaa o gen a ndeer xeet fa mbaafañ: A njega a kid, ndaa naangee o nga’aa, a njeg nof, ndaa naangee o nanaa, yaam kaa ndef xeet fa mbaafañ.

YEGIL MBAAX NE YEESU ne Lik a bindtuuna 8:10

Yeesu a doona a den ee: «Kaa nu ci’el o and kunpa ke no Maat ne Roog, ndaa no lakas we o mat, kaa war o fi’tel a naxax. ‹Neene, a naangangaa o ƭeetaa, nga’kee, too a naangangaa o nanaa, andkee.› »

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

A pi ake 28:26

Kaa lay’u yee: ‹Reti o lay xeet feene yee: Nu mbug oo nanit nof nuun, ndaa nu andkee tus, ƭeetit a kid nuun, ndaa nu nga’kee dara.

Esayi 6:9

A layaxam ee: «Reti o lay xeet feene yee: ‹Nu mbug oo nanit nof nuun, ndaa nu andkee tus, ƭeetit a kid nuun, ndaa nu nga’kee dara.›

2 Maad we 17:41

Qeet keene kaa mbaɗooxoogu o Yaal oxe, a ndoon teen a mbaɗooxaa nitaal roog sexe ke den. Xa ƥiy den fo xa taan den kaa mbi’aa nen daan den boo no ñaal roog ne xaye.

2 Maad we 17:34

Boo no ñaal ne xaye itam xa taan axe den kaa ndeefaa fo mbaax ne yaaga. Mbaɗooxee o Yaal oxe ne waritna, too naangee o ndeefaa bargal ke fo a paɗax ale da ndaawna. Ndeefee itam a cangin ale fo kebil ke o Yaal oxe a daawin’ina xa taan axe Yakoob fee ta ne’’atna Isra’el.

Heseki’el 20:26

Xoolaƭarandtaam a den sadax den, ye da sadaxtaa taaw ke den fop, ndax um diidland a den boo da and ee mi refu o Yaal oxe.»