O leetar ole Pool a bindna GIMU WE NGENNA ROM 11:7 - NQAARIIT NE ROOG

⁷ Xar na laykeel koy? Kene na laykeel: Xeet fee Isra’el ndaawee ke da mbaaƭoogna. Yoqatin we Roog a jilna soom ndaawun. Lakas we o mat, a qeeñ den kaa saƭik’u, soo o and ole a mo a den mir.

O leetar ole Pool a bindna GIMU WE NGENNA ROM 11:7 Referans Kwoze

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

O leetar ole Pool a bindna GIMU WE NGENNA ROM 9:18

Neene boog, Roog a yirma oxe ta bugna, a saƭkin xeeñ no xe ta buganuuna.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

O leetar ole Pool a bindna GIMU WE NGENNA ROM 11:5

Neene itam, boo xaye a jega yoqatin we Roog a jilna na yirmande um.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

2 Korint 3:14

Kaa koy, a qalaat den kaa niɓaan, too boo xaye sax, boo da njangaa safe le no ngiɓoor eetaand ne, muurax ne oxe maadaa, too watnaand. Muurax neene, oxe watitkaa no xe fogna na Kiristaa soom.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

Filip 1:18

Refee dara, yaam ta ref fo yiif xoolu mbaat fo yiif xooleer, Kiristaa kaa moƴ o yegniteel: Sawaraam teen lool, too xam felakinooxahin teen.

1 Korint 10:19

Kaam ee: Ndax njuurax mbaat mbangool a njega o njiriiñ?

O leetar ole Pool a bindna GIMU WE NGENNA ROM 10:3

Ne Roog a jofandtaa wiin we mbaambir um, kaa mo a den mir, soo da ndek a mbaaƭan a qoox den pexey naa da njofitna. Ten taxu njaɓee pexey ne Roog a jofandtaa.

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!

O leetar ole Pool a bindna GIMU WE NGENNA ROM 3:9

Xar i laykaa boog? Ndax in Yaawuur ngupu wiin lakas we? Muk! Yaam i njaɓa yaaga yee Yaawuur we mbaat we ndefeerna Yaawuur, den fop, owe na sañ-sañ bakaad.

YEGIL MBAAX NE YEESU ne Saŋ a bindtuuna 12:40

«Kaa Roog a fuuland a den, a ŋajnoor a den, yaam ndik da nga’it a kid den, a andit a qeeñ den, soo da saktooxiid me mi, um wodand a den.»

YEGIL MBAAX NE YEESU ne Lik a bindtuuna 13:24

«Ngoorgoorlooxyo o ndokit no don-maax o ŋooɓu le, yaam mexe layan a nuun, xan mayu a njeem o ndokit teen too mbaagkiran.

Esayi 44:18

Wiin nandu neene, dara refee na qoox den, andee dara. A kid den kaa muurel boo mbaagee a ka, soo da ndaƥ a yiif boo mbaagee o ndam tig.

Esayi 6:10

Ŋajnoori xeet feene, sux nof den soo mup a kid den, yaam ndik da nga’it a kid den, a nanit nof den, a andit a qeeñ den, soo a saktooxiid me mi, a mbodandel.»

Xa peƭit axe 1:28

Maaga, xan nu nqoyaam, ndaa jaaɓkiim, nu mbaaƭaam, ndaa nu nga’kiraam,

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

Hebre 12:17

Nu anda yee taa mbaambir, a bug’ata o daaw barke fee faap um, ndaa a xañit’e o ten. Jeg’atee pexey naa ta suptitna ke ta fi’’ina, too xa lool axe ta looloogna ƭax’atee teen dara.

Mark 6:52

yaam o saƭkel ole na qeeñ den tax’u boo ke xew’ina fo puuru ke sax rokee na qoox den.

Efees 4:18

O jeg-yiif den kaa niɓaan tit. Njegee a las a leng no ñoow ole Roog a ci’taa, yaam kaa da ñak-o-and, soo a saƭik a qeeñ lool.