O leetar ole Pool a bindna GIMU WE NGENNA ROM 11:6 - NQAARIIT NE ROOG

⁶ Kaa jil a den na yirmande um, too refee yaam a pi den. A jilit’angaa a den a pi den, yaaga yirmande fee Roog refkoogee yirmande fa ndigil.

O leetar ole Pool a bindna GIMU WE NGENNA ROM 11:6 Referans Kwoze

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

Galati 2:21

Fañkiim yirmande fee Roog, yaam a reeƭangaa yee o kiin a waaga ɗeetel nen o cofu mbaambir Roog yaam ne ta fi’aa ke kebil ke a layna, Kiristaa dey’ee o xon.

Tiit 3:5

a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.

Galati 5:4

Nuun we na ndeefaa ke kebil ke a layna, ndax Roog a ɗeet a nuun nen jofu, nu nqaaje fa Kiristaa, too nu ñaka yirmande fee Roog itam.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

YEGIL MBAAX NE YEESU ne Lik a bindtuuna 6:13

Yaa mbeet naa a xoolna, Yeesu a xoya daalbe we ten, too a jil teen xarɓaxay fo ɗik waa ta ne’na apootar, den ndefu weeke: