O leetar ole Pool a bindna GIMU WE NGENNA ROM 11:4 - NQAARIIT NE ROOG

⁴ Kaa koy, xar Roog a doonun? Kaa tee: «Geekanaam a xoox es wiin cuni ɓetuu ƭik waa ngooknooxeerna mbaambir Baal.»

O leetar ole Pool a bindna GIMU WE NGENNA ROM 11:4 Referans Kwoze

1 Maad we 19:18

Kaa koy, xam xaƴ kam Isra’el wiin cuni ɓetuu ƭik, fop we ngooknooxeerna mbaambir Baal, too mosee o mboon nitaal um.»

A lim ale 25:3

Ne da mbaɗooxatoogna a Baal-Pe’oor, a taxa fuux le no Yaal oxe a biltoox took den.

Sofoni 1:4

Xan o ɓay es a dal took Yudaa, ten fo we ngenna Yeerusaleem fop. Xam moocand no mbiñ onqeene ke yoqna na paɗax ale Baal, ñuf a kon ake no saasadax we ten fo ake no lakas we na mbaɗooxan.

Hoose 2:8

Ten taxu xam wegit a ƭat um taxas kiƈ, widnin o ɗiiɗing, ndax suurkee na ƭat um.

Yeremi 19:5

A maxana a Baal a ñaang a sadaxand, ndax da ndoxanin teen xa ƥiy den xa koor nen sadax toxel, ta ref kaa heblit’eeruuma, layit’inum too mos’inum o xalaat sax.

Haahate we 2:13

A mbaasa o Yaal oxe soo a mbaɗooxaa a Baal fa Astarteyiin.

Hoose 13:1

A mbanuu a carind ale Efrayim a lay’ina, a carind a lakas ake fop a ndiid. O ten doon’u o ɓay kam Isra’el, ndaa a qica hate took um boo a yen, yaam a faɗooxaa a Baal.

1 Maad we 16:31

Ten koy, bakaad fee Yerobowam ta laalna deyiran boo ta gilig sax a Isebel fee o ƥiy Et-Baal fee o maad no Siisidoŋ we soo a doon teen a gungaa mbaambir Baal fee da mbi’’ina roog den, ndax ta faɗooxin.

A cangatin ale 4:3

Nu nga’ooda ke o Yaal oxe Roog nuun a fi’na ye fa Baal-Pe’oor, a moocand na nuun fop we sooboox’ina na paɗax ale na Baal feene.

1 Maad we 19:10

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

Esayi 4:3

Maaga, yoqatin we Siyoŋ fo onqe mucna Yeerusaleem xan a nqoyeel tedu. Den ndefu fop we o Yaal oxe a bindna no safe um, ndax da ñoowaa Yeerusaleem.