O leetar ole Pool a bindna GIMU WE NGENNA ROM 11:36 - NQAARIIT NE ROOG

³⁶ Yaam fop no ten a inooru, a sakoor no ten soo a refanin. Roog feene a hela o ɓoxotel o ndam boo faw! Amiini.

O leetar ole Pool a bindna GIMU WE NGENNA ROM 11:36 Referans Kwoze

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

Hebre 2:10

Oxe sakna fop, a jeg fop, a buga o ɓis xa ƥiy xa mayu da mbog no ndam um. Ten taxu ta fi boo o Cofu xe waagna o fadin a muc ale den a ñak sik na pexey coono ke.

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

O leetar ole Pool a bindna GIMU WE NGENNA ROM 16:27

Yaasam Roog fee jegna o and, ten soom, a ɓoxotel o ndam boo faw na pexey Yeesu Kiristaa! Amiini.

A pi ake 17:28

Yaam no ten i njegtu o ñoow, yo’nooraa no ten, ndefit no ten itam. ‹In o mat oo, na xeet um i mbogu.› Keene o mat, leng-leng no jeejeek we nuun a layu.

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

A kim a tedu ke 115:1

Baa ref na in, o Yaal oxe, kaam ee baa ref na in, ndaa no gon of ɓoxoti o ndam, yaam kaa o jeg o mbeq fo ngor!

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

2 Timote 4:18

Xan o Yaal oxe a muclaam no pariƴ kuu ndefna, a muclaam ndax um rok no Maat um naa na asamaan. Yaasam ta ɓoxotel o ndam bo na moos boo moos. Amiini.

Xa peƭit axe 16:4

Kuu o Yaal oxe a fi’na tig taxun, boo no soxodu xe sax jagandaneena ñaal taamaala ne.

A kim a tedu ke 33:6

Na pexey fa lay o Yaal oxe a saktu asamaan, soo ke refna teen fop, ta saktin haaƭ le no don um.

1 Korint 11:12

Yaam ne o tew a sakteena no koor, neene o koor a rimteel no tew, too keene fop, na Roog a inooru.

1 Piyeer 5:11

Ten jegu katil bo na moos boo moos. Amiini.

Filip 4:20

Yaasam Roog Faap in a ɓoxotel o ndam bo na moos boo moos. Amiini.

Efees 3:21

O ndam a hela a Roog no fog ole no gimu we fo na Kiristaa Yeesu, bo na moos boo moos! Amiini.

Galati 1:5

O ten o ndam a helu bo na moos boo moos! Amiini.

Mbeeñil 19:1

Cinj kaaga, nanaam o ñuxur o maak ta inoor no faan no wiin mayu na asamaan, a xaanaa yee: «Haleluyaa! Roog in kaa muclaa! O ndam fa katil a ngelaan!

Mbeeñil 7:10

Maaga, kaa mbalalooxoogu yee: «A muc ale in kaa inoor na Roog in, ten fee moofna no gamb no maad le, a inoor no Mbaal onqe itam.»

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.

YEGIL MBAAX NE YEESU ne Lik a bindtuuna 19:38

Kaa layoogu yee: «O Maad oxe na garaa no gon le no Yaal oxe a hela simatel! Jam took asamaan fo o ndam took-ee-took!»

Dañel 4:34

Ndiiki koy, mi Nebukadnesaar, kaam simataa, tagasaa soo ɓoxotaa o ndam o Maad oxe na asamaan. Ke ta fi’aa fop kaa xot a ƭat, a pi um a njof, too a waaga neewand we na ñoowaa na magnandax.»

Esayi 42:12

Fat we ngenna na pimb ake a ƥoxot o Yaal oxe o ndam soo a simatin fa doole.

1 Timote 6:16

Roog soom xonkeeru. Kaa gen na qoolaand alaa o leng a waageerna o fad. O leng mosiran o ga, too o leng waagiran o doon a ngid sax. O ten soom jegu o niwel fa katil mbagkeer. Amiini.

YEGIL MBAAX NE YEESU ne Lik a bindtuuna 2:14

«Tedaanga a hela Roog took asamaan fa jam na adna, took no wiin we ta fexna.»

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Dañel 4:3

Maaga, heblitaam o xoyaniidel yaal-o-and we kam Babilon fop, ndax da tektaam o ƭaaɗ oleene.

Mbeeñil 7:12

A laya yee: «Amiini! Yaam a simat fo o ndam fo o and fo o ngidim fo o niwel fa katil fa doole a ngela a Roog in bo na moos boo moos! Amiini!»