O leetar ole Pool a bindna GIMU WE NGENNA ROM 11:33 - NQAARIIT NE ROOG

³³ An waagu waag o xoolin ne yirmande fee Roog a magnitna fo ne o and ole ten fo o jeg-yiif ole ten a nqooɗitna? Kaam ee, an waagu o and yuuƥ ke Roog? Ndi an waagu o tekit o jaf um?

O leetar ole Pool a bindna GIMU WE NGENNA ROM 11:33 Referans Kwoze

Ke bindeena no xe ne’eena YOB 5:9

ten fee na fi’aa tig maak kaa mbaagaandeena o naaɓ, com’andtu kaa njegeerna hap.

A kim a tedu ke 92:5

O Yaal oxe, ke fi’oona a mayƭandaxam fo o ɗaay, um felakinooxaa no jale of.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

Ke bindeena no xe ne’eena YOB 37:23

O leng waagee fad me no Cegu katil oxe. Kaa magin na doole, no cofel fo na ƭat, too soxla’ee o doon o leng!

Efees 3:10

Kaa koy, ndiiki, na pexey o fog ole no gimu we, kelfa ke fo sañ-sañ ke ndeer asamaan fa lanq a mbaaga o and o jeg-yiif ole Roog.

O baawaare xe 3:11

Kaa fi’aa tig kuu refna na hap um, ta mos bo. A ɓeka no yiif no kiin sax ta and ee o ñoow ole dayee na fa nqon, ndaa taxee o kiin oxe a waag o and ke Roog a fi’aa, a xotit no mberaand naa boo no muukandoong naa.

A kim a tedu ke 36:6

O Yaal oxe, o mbeq of a yaajta nen a asamaan, ngor of a ret boo na eel akaa.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

A kim a tedu ke 97:2

Eel fo o niɓaan kaa mbidin, uum-maamaad um a diƈoox no cofel fo na ƭat.

A kim a tedu ke 77:19

Ƭuuɗ ke wo a mbangooxa, xa kiiñaand axe a nqooland adna fee, lanq ke a ngiiƈ-ngiiƈin, a send.

Ke bindeena no xe ne’eena YOB 26:14

Keene koy, ke moƴna neew na pi um doŋ oo, too onqe i andna teen, kaa i ñu’el o ten. An waagu o and o yaajel katil um?

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

A kim a tedu ke 40:5

Ndaw o ɗaay no xe hoolooxna o Yaal oxe, a fañ o geleeroox farna fo pangool ke fo we na mbaɗooxaa cegeer.

Ke bindeena no xe ne’eena YOB 9:10

Kaa fi’aa tig maak kaa mbaagaandeena o naaɓ, com’andtu kaa njegeerna hap.

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

Xa peƭit axe 25:3

Ne asamaan fee a goƭitna took fo ne lanq ke a nqooɗitna fo a qalaat ake no maad we mbaagaand o ƥaal.

Efees 3:18

Yaasam nu mbaag o and, nuun fo we mbogna na xeet fee Roog fop, ne o mbeq onqe Kiristaa a yaajitna soo a jigdit neen, a goƭ took soo a xooɗ.

Ke bindeena no xe ne’eena YOB 37:19

Andnoorangi a in ke i mbarna o lay a Roog. In de, kaa i ndef no niɓaan, ten taxu i mbaagee o ndoon dara.

Ke bindeena no xe ne’eena YOB 33:13

Xar taxu o bug o layoor fo ten, yaam ne ta dooneeroonga?

Ke bindeena no xe ne’eena YOB 15:8

Ndax maadaa mbokatax ne Roog, boo jegooxaa o and, wo soom?

A kim a tedu ke 139:6

O and of oleene kaa hupaam, a gartaam took boo waaginum o dam.

A kim a tedu ke 145:3

O Yaal oxe a magna too jombee o simatel. O magnel um waagaand o and.

Xa peƭit axe 25:2

O ndam onqe Roog refu yee ta ɗasnaa tig leng ke, o ndam no maad we mat a ref ee da ƥaalaa tig leng ke.

O baawaare xe 7:24

Ke jegna kaa garit a in took, a xooɗ tigi. An waagun o and?

O baawaare xe 8:17

ga’aam ee o kiin oxe waagee o and calel ke Roog, fop ke na xewaa took lanq ke. Kuu ta ŋus-ŋusnaa fop oo, andkiran, too o cegu yiif oxe a foogangaa sax ee a anda, taxee ta andin.

Esayi 28:29

Keene itam no Yaal oxe Hupna fop a inooru. O as um kaa jom’andit, soo o and um a xooɗ.

Esayi 40:28

Ndax kaa andino? Ndax kaa nanino? O Yaal oxe refu Roog bo na moos boo moos. O ten saku adna fee, a xotit no cat boo no cat. Naagee o xijaa, too doole um wañooxkee muk. O leng waagee paang o jeg-yiif um fop.

1 Korint 2:10

In o mat Roog a feeñlun na pexey Yiif um, yaam Yiif um na ɓaalaa fop boo no ke moƴna o xooɗ na Roog.

Esteer 2:22

Mordokay a yega kaaga soo a layin a Esteer, lingeer fee. Esteer a daawnaan o maad oxe no gon Mordokay.

Ke bindeena no xe ne’eena YOB 10:13

Ndiiki koy, andataam ke fofoona no xeeñ of. Fop ke dalaxama, kaa o ɗasin’aam o ten kam of.

Ke bindeena no xe ne’eena YOB 23:14

Xan a fadin ke ta hebooxanaxama, too a yaxandooxanaxam yuuƥ lakas mayu.