O leetar ole Pool a bindna GIMU WE NGENNA ROM 11:29 - NQAARIIT NE ROOG

²⁹ yaam Roog refee ci’it a jaɓ, too ricooxkee o xoy ole ten.

O leetar ole Pool a bindna GIMU WE NGENNA ROM 11:29 Referans Kwoze

Hebre 7:21

Yeesu o mat, a taaƥ a dodte o saasadax, ye Roog a layuuna yee: «Mi o Yaal oxe, daaɓooxaam, too nomtooxkiim a cinj. Kaam ee: Xan o ref o saasadax boo faw.»

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

Malaki 3:6

Mi o Yaal oxe, suptooxkiim muk, too nuun we xa taan Yakoob, nu suptooxee.

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

O leetar ole Pool a bindna GIMU WE NGENNA ROM 8:30

We Roog a jil’ina yaaga koy, a xoya a den, soo we ta xoyna, ta jofand a den, we ta jofandna, ta ci a den a las no ndam onqe ten.

O leetar ole Pool a bindna GIMU WE NGENNA ROM 11:30

Yaaga, kaa nu mbañ’u o nanan a Roog. Kaa koy, nanaƭar ne no Yaawuur we a taxa nu ndaawat yirmande fee Roog ndiiki.

1 Korint 1:26

Fog we, fat nu ƭeetaqin a paax ee ndeer nuun we nqoyeena, mayee waa adna fee a ƭeetaa nen jegu a yiif tigi, mayee yaal toole, mayee garmi,

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

Efees 4:4

Njer leng kut jegu fo Yiif Tedu leng kut. Neene nu nqoyte no yaakaar leng kut itam na pexey o xoy ole nuun.

Filip 3:14

Kaam eetatireel kañ, ndax um waag o jang a laay ale took, taxna Roog a xoy a in na Kiristaa Yeesu.

2 Tesalonik 1:11

Ten taxu i ngen no nqeɗanaa a nuun, ndax o xoy ole Roog fee in jombkee a nuun. Yaasam ta ci a nuun doole faa nu mbaagna o mbadnit paax ke nu nqalaataa fop fo calel ke no ngim onqe nu njegna.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

Hebre 3:1

Ten taxu, nuun o fog ole no tedu we, nuun we Roog a xoyna, ƭeetyo na Yeesu fee Roog a luliidna, ndax ta ref o saasadax o maak no ngim onqe i mbeejlaa.

2 Piyeer 1:10

Ten taxu fog es, ngoorgoorlooxa­hinyo, ndax nu saƭik no xoy ole Roog a xoyna a nuun fo na cil ale ta jilna a nuun, yaam nu mbi’angaan, nu yenkee muk.