O leetar ole Pool a bindna GIMU WE NGENNA ROM 11:26 - NQAARIIT NE ROOG

²⁶ Neene o mat Isra’el fop a muclitkeel, ne ta layteena kam a Pind a Tedu ke yee: «O Baawat oxe xan a inoor Siyoŋ, too xan a ñuf nanaƭar ne na xa taan axe Yakoob.

O leetar ole Pool a bindna GIMU WE NGENNA ROM 11:26 Referans Kwoze

Esayi 59:20

«We Siyoŋ koy, xan a ref na den o baawat, den we mbesna nanaƭar den a cinj na Yakoob. Keene o Yaal oxe a layu!

A kim a tedu ke 14:7

Ey, bug’aam o ga wala a muc ale Isra’el na inoortiidkaa Siyoŋ? Yaa o Yaal oxe a supitkaa o roxanqol ole na xeet um, xan Yakoob a ref no ɗaay, Isra’el a felakinooxaa.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

A pi ake 3:26

Neene boog, nuun Roog a eetu o sutan o tag um Yeesu, a luliidin ndax ta barke a nuun, yaa o kiin oo kiin na nuun a fesna njofaƭar um a cinj.»

Esayi 45:17

Kaa koy, o Yaal oxe xan a mucil xeet fee Isra’el. Xan a muclel boo faw. Nu sedkee muk mbaat nu niwaƭarel.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

Mace 1:21

Xan a ñoot o ƥiy o ngoor, too fat o ne’in Yeesu, yaam ten na mucilkaa xeet um no pakaad den.»

A kim a tedu ke 106:47

O Yaal oxe Roog in, mucli a in. Fokatti a in a ndeer qeet ke, ndax i ƥoxot gon tedu of o ngidim too nqaaƴoortaa a simat of.

Heseki’el 39:25

Ten taxu keeke layum, mi o Yaal oxe na refkaa boo faw: Ndiiki xam supit muj fee Yakoob, yirim mbind Isra’el fop soo naalaa gon tedu es.

Yeremi 31:1

O Yaal oxe kaa tee: «No camaane kaaga, xam refat Roog fee no ƥasil ke Isra’el fop, too xan a ndefat xeet es.»