O leetar ole Pool a bindna GIMU WE NGENNA ROM 11:25 - NQAARIIT NE ROOG

²⁵ Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

O leetar ole Pool a bindna GIMU WE NGENNA ROM 11:25 Referans Kwoze

YEGIL MBAAX NE YEESU ne Lik a bindtuuna 21:24

Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

O leetar ole Pool a bindna GIMU WE NGENNA ROM 12:16

Njegyo njofoor a ndeer nuun. Ba nu magnandoox, ndaa njaɓyo ke neewandooxna fop. Ba nu mbi’oox nen waa njegna o and muk.

Mbeeñil 10:7

Kaa koy, yaa malaaka ɓetuu fa ƭikandeer fee a luuƥkaa, xan yuuƥ kunpa’u ne Roog a fadnoox ne ta yegnit’uuna duleer we ten ndagooxooguuna yaaga.»

Mbeeñil 7:9

Cinj kaaga, ɗeetaam too ga’aam faan maak laa o leng a waag’eerna o lim. Wiin weene kaa inoor na xeet fuu refna, no tim oluu refna, no saax luu refna fo na lak fuu refna. Kaa ngeenoox’u mbaambir gamb no maad le, a njasnoor fo o Mbaal onqe, a ndokoox tikoorik tan, a ndeegoox a naaq ngeec.

Efees 3:9

A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.

A kim a tedu ke 22:27

We neewandooxna xan a ñaam boo a ngiñ, we na mbaaƭaa o Yaal oxe xan a simatin. «Yaasam nu ñoowaa boo kili!»

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

2 Piyeer 3:8

Kaa koy, nuun we fexuuma, a jega tig leng kaa nu mbareerna o ñak-o-and, ten refu yee: Mbaambir no Yaal oxe, bes fa leng kaa ref nen xa kiid juni, soo xa kiid juni a ndef nen a bes fa leng.

1 Korint 10:1

Fog we, bugiim nu mbeecit ee a jeg’a jamaane, daan in fop a ndeefanaa eel laa, a njoot o maag olaa,

O leetar ole Pool a bindna GIMU WE NGENNA ROM 1:13

Fog es, bugaam nu and ee kaam hebooxaa o xalatooxiid a nuun kili, ndax calel es a nqay me nuun, ne da nqayitna a ndeer qeet lakas ke, ndaa boo xaye, kaam maad o dikoox.

Hoose 14:9

Efrayim reeratee dara fo pangool ke. Kaam jaɓaa a qeƭ um soo gayan. Xam ref no ten nen filaawo nequ, na mi xa tim um a ngataa.»

Esayi 5:21

Ndaw naqad took no we na ƭeetaa a qoox den nen waa njegna o and, soo a mbi’ooxaa jegu yiif.

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

1 Korint 12:1

Fog es, bugiim dara a mo a nuun no ke Yiif le Roog a ci’taa.

Xa peƭit axe 26:16

Feeñaak fee kaa foog ee ten moƴu o jeg yiif goor ɓetuu ɗik waa na ndoontaa o jeg-yiif.

Xa peƭit axe 26:12

O xetangaa fo xaa na fi’ooxaa o cegu yiif, andi yee yaakaar a fanxoy moƴu o yaakaarin.

A kim a tedu ke 127:1

A kim no ñaañaaƴ we yoo, a fog na ke Salomo. Boo o Yaal oxe a maxeerna mbind ne, we na maxan kaa yaqaa doole den. Boo o Yaal oxe a yetooxeerna teeru fee, oxe na yetooxan kaa yaqaa o ƭaan um.

A kim a tedu ke 107:43

Oxuu jegna o and fat a dam keene too a ɓaal ke o Yaal oxe a fi’na no mbeq um.

Mace 13:11

Yeesu a doona a den ee: «Kaa nu ci’el o and kunpa ke no Maat ne na asamaan, ndaa den o mat ci’aand o ten.

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

O leetar ole Pool a bindna GIMU WE NGENNA ROM 9:18

Neene boog, Roog a yirma oxe ta bugna, a saƭkin xeeñ no xe ta buganuuna.

O leetar ole Pool a bindna GIMU WE NGENNA ROM 11:12

Ii, boo njom ne den a refanna adna fa muum o njiriiñ no kaa jofna na Roog, soo a neewand ale da neewandeena a refan we ndefeerna Yaawuur o njiriiñ, kaam ee nam o njiriiñ onqeene a fodkaa yaa da nomtooxna na Roog?

O leetar ole Pool a bindna GIMU WE NGENNA ROM 11:24

Ii, wo fee refeerna o Yaawuur, ndax ref a naaq oliiw malu, ɗegel soo dugandel no oliiw nduufe ne, andaa xil ee refee kaa wiin we a merna o mbi’aa. Yaawuur we ndefu a naaq ŋaƈit ake no oliiw nduufe ne. Ten taxu, den o mat moƴu o yooɓ o ndugandel no ndaxar ne da ƭegit’eena.

1 Korint 2:7

O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

Efees 4:18

O jeg-yiif den kaa niɓaan tit. Njegee a las a leng no ñoow ole Roog a ci’taa, yaam kaa da ñak-o-and, soo a saƭik a qeeñ lool.

Mbeeñil 1:20

Keeke tektu kunpa fee na xa qoor ɓetaa ƭaq axe ga’oona no ɓay es o ñamaak fo a pagal ɓetaa ƭaq xa lampa akaa mbi’teena wurus. Xa qoor ɓetaa ƭaq axe ndefu malaaka ke na yetooxaa pokatax ɓetuu ƭik ke, soo a pagal ɓetaa ƭaq xa lampa ake a ndef pokatax ɓetuu ƭik ke.»