O leetar ole Pool a bindna GIMU WE NGENNA ROM 11:23 - NQAARIIT NE ROOG

²³ Neene itam boo Yaawuur we a ngenateerna no ngimaƭar den, xan Roog a dugandatin a den me da ƭegit’eena, yaam Roog a jega sañ-sañ o dugandatin a den.

O leetar ole Pool a bindna GIMU WE NGENNA ROM 11:23 Referans Kwoze

2 Korint 3:16

Kaa koy, o kiin a saktooxangaa me no Yaal oxe, xan muurax ne a wat, ne a Pind a Tedu ke a laytuuna.

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

Mace 23:39

Mexe layaa a nuun ee: Nu nga’katiraam muk, boo yaa nu laykaa yee: ‹Oxe na garaa no gon le no Yaal oxe a hela simatel.› »

O leetar ole Pool a bindna GIMU WE NGENNA ROM 11:17

Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.

O leetar ole Pool a bindna GIMU WE NGENNA ROM 11:24

Ii, wo fee refeerna o Yaawuur, ndax ref a naaq oliiw malu, ɗegel soo dugandel no oliiw nduufe ne, andaa xil ee refee kaa wiin we a merna o mbi’aa. Yaawuur we ndefu a naaq ŋaƈit ake no oliiw nduufe ne. Ten taxu, den o mat moƴu o yooɓ o ndugandel no ndaxar ne da ƭegit’eena.

Hebre 3:19

Ten taxu i nga’a yee njeg’ee a ñootnax aleene yaam ngimaƭar den.