O leetar ole Pool a bindna GIMU WE NGENNA ROM 11:2 - NQAARIIT NE ROOG

² Roog deɓee xeet um feene ta jilna yaaga. Mee ndax nu anda a paax ke a Pind a Tedu ke a layna, na betandax ale me o tuleer Eliya a ɗomatoortoogna a Isra’el mbaambir Roog,

O leetar ole Pool a bindna GIMU WE NGENNA ROM 11:2 Referans Kwoze

A kim a tedu ke 94:14

O Yaal oxe deɓee xeet um, waaskee we ta jegna.

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

A pi ake 3:17

Ndiiki koy fog we, andaam ee o ñak-o-and taxu nu mbi’in, nuun fo we kelfa’na a nuun,

Mberaand 44:15

Yoseef a laamta a den ee: «Xar nu mbi’u? Ndax kaa nu and’ee yee o koor o nandu nen a mi a wara o waag ƭeet?»

O leetar ole Pool a bindna GIMU WE NGENNA ROM 9:6

Nof es ɗaaɗee o lay muk ee fa lay fee Roog kaa sañtooxaa, ha’aa! Kaa rek, fog na xeet fee Isra’el taxee fog na xeet fee Roog a jilna,

A pi ake 13:48

We ndefeerna Yaawuur a mbelakinooxooga ye da nanna a ƭelem akaaga. A simatooga fa lay fee no Yaal oxe, too fop we njagandan’eena o ñoow o fagkeer ole a ngim’ata.

A pi ake 7:40

Xeet fee a laya a Aaroon ee: ‹Fi’ani a in roog kaa na mbugko ñaaƴaa mbaambir in, yaam i andee ke dalna a Moyiis fee sutna a in Misira.›

YEGIL MBAAX NE YEESU ne Saŋ a bindtuuna 4:11

O tew oxe a layaan ee: «E, yaal mbind! Jegiro ƈeewir leng, a ngas ale a xooɗit nene, mam o jegitkaa foofi fo ñoow koy?

YEGIL MBAAX NE YEESU ne Lik a bindtuuna 4:1

Yaa Yeesu a inoorna no xuluɓ ole Yordaan, a gataa, a maya fo Yiif Tedu le. Yiif le a ɓisaan na koƥ-a-ƥor alaa.

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

A lim ale 16:15

Moyiis a fuuxa tigi too a laya o Yaal oxe yee: «Ba o jaɓ sadax den. Mosiim o jang na den dara, refee o faam o leng sax, too mosiim o tooñ o leng na den.»

A sutax ale 32:1

Ye xeet fee a nga’na yee Moyiis a miña took o joong ole too fudooxiidee, a mbokatoora maa Aaroon, a layin ee: «Inooxi, fi’an a in roog kaa na mbugko ñaaƴaa mbaambir in, yaam Moyiis feeke, o koor oxe sutna a in no saax le Misira, i andee ke daluuna.»

Hebre 1:1

Yaa fa yaaga, Roog a lay’a fo daan waa in a caf a mayu fo na xa qos xa mayu na pexey duleer waa,

Filip 1:22

Kaa koy, o ñoow es a jegangaa no calel ke mi o njiriiñ, ga’iim kaa moƴuuna.

A pi ake 15:18

Keene mat o Yaal oxe a layu, too ten andnoorun no mberaand naa.› »

1 Korint 6:2

Kaa nu andee yee tedu weene na ngate’kaa adna fee! Tig podu nen hate adna a doonange no ɓay nuun, nam o hate tig pooreer a naru o ɓoowit a nuun? Ndax hate kaa jomb a nuun?

Yeremi 31:37

Keeke o Yaal oxe a layu: «Asamaan fee a waag’ange o liiƥ mbaat a per ake no lanq ke a mbaagel o ƥaal, yaaga deɓkoogaam xa taan axe Isra’el fop yaam ke da mbi’ina fop.» O Yaal oxe layun.

Mark 12:26

No kaa farna na qontax ale no xon we, ndax kaa nu njangee no safe le Moyiis ke layeena no ngol naa? A binde maaga yee Roog a laya a Moyiis ee: ‹Mi refu Roog fee Abraham, Roog fee Isaak fa Roog fee Yakoob.› »

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

1 Korint 8:3

Kaa koy, oxuu fexna a Roog, Roog a andaan.