O leetar ole Pool a bindna GIMU WE NGENNA ROM 11:17 - NQAARIIT NE ROOG

¹⁷ Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.

O leetar ole Pool a bindna GIMU WE NGENNA ROM 11:17 Referans Kwoze

Efees 3:6

Keeke refu kunpa feene: Na pexey Yegil mbaax ne, we ndefeerna Yaawuur a njega a las fo Yaawuur we no ke Roog a geekanna xeet um. A ndefata njer leng kut, soo a mbog, den itam na tegit a leng kut ale Roog a regitna na Kiristaa Yeesu.

Yeremi 11:16

O Yaal oxe kaa xoyoogong «Ndaxar oliiw neepu ne, xa tim axe a mbelna lool». Te paam koy, kam fangax maak, xan a heƥand teen fiɗel, soo a naaq ake ten a ƥolel.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

Mace 21:43

Ten taxu, mexe layaa a nuun ee: Xan Maat ne Roog a watnel na xa ƥay nuun, soo a doxnel xeet faa na ƥoxotkaa xa tim axe ten. [

A kim a tedu ke 52:8

Jofu we xan a nga’oodin, a njaaxiɗ soo a njalan ee:

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.

A pi ake 2:39

Yaam a tegit ale, nuun njegun, nuun fo xa ƥiy nuun. We o Yaal oxe Roog in a xoykaa fop itam too a ngoƭ, a mboga teen.»

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Mbeeñil 11:4

Seede ɗik weene ndefu taxar oliiw ƭik ke fo a pagal a ƭak xa lampa ake mbodna mbaambir no Yaal oxe jegna adna fee fop.

YEGIL MBAAX NE YEESU ne Saŋ a bindtuuna 15:6

Oxuu saxeerna na mi, xan a deɓel tafil nen o par o ɗege, too xan a weer. A weerangaa koy, xan a deɓel na fiɗel, a doxik.

Sakari 4:3

A jega itam taxar oliiw ƭik kaa yoorooxuuna, leng ne na ñamaak ale no mband ne, lakas ne na janoon um.»

Yoona 1:16

Ye da nga’na kaaga, a saɗar’ata o Yaal oxe lool, a ƥoxotaan sadax, soo a ndegoor fo ten.

Esayi 6:13

A yoqahinangaa teen a qaaj xarɓaxayandeer no wiin we, weene yoo xan a mbuuɓel. Kaa koy, ne ngariñ mbaat ndaxar maak lakas a yoqtaa fanq, yaa ta fuuɓeena, neene a yoqitkaa fanq, too teen o fog ole no tedu we a saxitkaa.»

A cangatin ale 8:8

saax laa jegna bele fa lorso fo taxar biiñ fo tun fo taxar goronaad, a jeg itam taxar oliiw fo suum,

Galati 2:15

In, Yaawuur ndimu a in, too i nqalaatoogee yee baabakaad i ndefu nen we ndefeerna Yaawuur.

YEGIL MBAAX NE YEESU ne Saŋ a bindtuuna 15:1

«Mi refu ndaxar biiñ ndiindigil ne, Faap es a ref o yaal um.

O leetar ole Pool a bindna GIMU WE NGENNA ROM 11:24

Ii, wo fee refeerna o Yaawuur, ndax ref a naaq oliiw malu, ɗegel soo dugandel no oliiw nduufe ne, andaa xil ee refee kaa wiin we a merna o mbi’aa. Yaawuur we ndefu a naaq ŋaƈit ake no oliiw nduufe ne. Ten taxu, den o mat moƴu o yooɓ o ndugandel no ndaxar ne da ƭegit’eena.