O leetar ole Pool a bindna GIMU WE NGENNA ROM 11:16 - NQAARIIT NE ROOG

¹⁶ Boo andoona yee, o ɗeg o eetaand mbuuru a ɓoxote a Roog, ke na yoqaa no mbuuru ne fop, Roog jegun itam. Neene itam, a paƴ ndaxar a ƥoxotange a Roog, a naaq ake ndeyaand o ne.

O leetar ole Pool a bindna GIMU WE NGENNA ROM 11:16 Referans Kwoze

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

Heseki’el 44:30

Ke moƴna o faax no taawlax ke fop fo fop ke nu mbatnanaxam boo ta xet, saasadax we na njegkan. Xan nu coox saasadax we ke moƴna o faax no qiiw ke nuun, ndax barke fee a fudoox no pind nuun.

Xa peƭit axe 3:9

Niwti o Yaal oxe ke jegoona fop, ɓoxotin ke eetna o foor no saxade of.

Yeremi 2:21

Yaag oo toox de kaam jimb’ong nen ndaxar biiñ safu, naa o ax ole a faaxna. Nam suptooro ndaxar biiñ malu, naa hatna a ngenareem?

O leetar ole Pool a bindna GIMU WE NGENNA ROM 11:17

Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.

A paɗax ale 23:10

ta yegin Ii-isra’el we kene: «Yaa nu ndokkaa no saax le um ci’kaa a nuun boo a saxad ale a fad, fat nu ƥisiid o saasadax oxe xa yaƥ axe nu eetkaa o saxad.

A cangatin ale 26:10

Ndiiki koy, o Yaal oxe, kaa i ƥisiidong ke eetna o foor no ke lanq ke ci’oona a in a mbatna.› Fat nu ndiƈin mbaambir no Yaal oxe Roog nuun soo ngung mbaambir um, mbaɗooxin.

A cangatin ale 18:4

Fat nu cooxaa a den itam ke eetna o foor na bele fee nuun fo na biiñ fa nqas fee fo na diwliin fee boo na ƥiñ ake no paal ke fo pambe ke nu eetkaa o nduus,

A sutax ale 23:16

Cinj kaaga, fat nu ndoofand Xew fee na ñaƭax ale, yaa nu saxadna ke eetna o foor na xa qol axe nu nqooxaa. Nu moofangaa koy boo na seek fee, yaa o hiid ole a fagiidaa, nu mbara o ndoofand Xew fee na saxad ale no ke tuufe-duufe ke nuun a mbatna.

Mberaand 17:7

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

Mbeeñil 14:4

Den ndefu we njegeerna soɓe, yaam mosee o yoon fo o tew. Kaa ndeefoogu o Mbaal onqe muu ta jofoogna. Kaa mbat’el ndeer no wiin we, a ndefan a Roog fo o Mbaal onqe nen taawlax.

1 Korint 7:14

Yaam o kor o kimeer oxe, o teem oxe gimna a tedlandaan, ne o tew o kimeer oxe a teditna yaam o kor um oxe gimna. A refit’angee neene, xa ƥiy den a nqoolaƭar, ndaa feek neene yoo, xa ƥiy axe a tedata.

A sutax ale 23:19

Fat nu ƥoxotiidaam ke eetna o foor na xa saawit axe nuun no Mbiñ o tedu nqe mi, yaam mi refu o Yaal oxe Roog nuun. Ba nu mbaƴnit o mbambe nqe fo sis ya um.»

A sutax ale 22:29

Ke refna kene koy, taaw naak mbaat mbaal mbaat fambe a rimange, fat a xaƴel paam ya um boo a jeg pes ɓetuu ƭik. Na bes fa ɓetuu ndadkandeer faa, fat nu ƥoxotaam o ten.

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.