O leetar ole Pool a bindna GIMU WE NGENNA ROM 11:14 - NQAARIIT NE ROOG

¹⁴ ndax ciis a ɓood na qeeñ no we fogtuuma xeet fa leng, boo leng-leng na den a mbaag o muc.

O leetar ole Pool a bindna GIMU WE NGENNA ROM 11:14 Referans Kwoze

1 Korint 7:16

Yaam o tew o kimu xum andu ndax xan a mucil o kor um o kimeer? Mbaat o koor o kimu xum andu ndax xan a mucil o teem o kimeer?

1 Timote 4:16

Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

Tiit 3:5

a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

1 Timote 2:4

Ten fa xoox um a buga wiin we fop a muc, too a andat ndigil ne.

1 Korint 1:21

Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

O leetar ole Pool a bindna GIMU WE NGENNA ROM 11:11

Kaam laamtaa boog, ye Ii-isra’el we a tolofna, ndax kaa da yen, a mbañat o inoox boo faw? Muk! Kaa koy, njom ne den taxu a muc ale a cooxel we ndefeerna Yaawuur, boo a tax Yaawuur we a siisaa weene.

Saak 5:20

fat nu and kene: Oxe na nomtitiidaa o paabakaad na ƭat a paaxeer um, a naaga o muclaa o kiin oxeene na fa nqon. A soƥangaa sax ee pakaad um a may’a, xan Roog a waasanin a den.

O leetar ole Pool a bindna GIMU WE NGENNA ROM 9:3

Jaɓaam Roog a halakaam, um xaajoor fa Kiristaa sax, ndax we fogtuuma xeet a muc, a waag’angaa o jeg.

Filemon 1:12

Mexe nomtiidang o ten ndiiki, ten fee refatna genwal es.

Mberaand 29:14

Maaga, Laban a layaan ee: «Andaam kañ ee o pog es ŋaƈit refo, too fo’oy fo leng kut ole na ƴufaa ƴuf na mi na ƴufaa na wo.» Yakoob a moofa maa Laban boo a jeg o nqool.

2 Sami’el 19:12

Dawid fa xoox um a lulta maa Saadok fa Abiyataar we ndeeƭna saasadax ee: «Laamtanaamoo maak we Yudaa yee: ‹Xar taxu nu ndef we na mbalakkaa o nomtiidaa o maad oxe no mbind no maad ne ten? Yaag oo toox de, mi fa xoox es yegaam ke na layteel kam Isra’el fop.

O leetar ole Pool a bindna GIMU WE NGENNA ROM 10:19

Kaam laamtahinaa yee: Ndax kaa xeet fee Isra’el and’iran? Pitik, keeke refu ke Moyiis a layna, too ta inoor na Roog: «Xam tax nu siisaa xeet fee reeƭeerna xeet fa ndigil, wuuɗ fuux nuun, nu moƴ o siiknoor fa xeet faa fofeerna o and o leng.»

1 Korint 10:33

Mi fa xoox es, keene um jeemaa no kuu refna, ndax um fel fop. Keene koy refee yee um galagaa a xoox es, ndaa ke faaxna no moƴ-o-jaak we, ndax da muc.

1 Timote 1:15

Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.