O leetar ole Pool a bindna GIMU WE NGENNA ROM 11:11 - NQAARIIT NE ROOG

¹¹ Kaam laamtaa boog, ye Ii-isra’el we a tolofna, ndax kaa da yen, a mbañat o inoox boo faw? Muk! Kaa koy, njom ne den taxu a muc ale a cooxel we ndefeerna Yaawuur, boo a tax Yaawuur we a siisaa weene.

O leetar ole Pool a bindna GIMU WE NGENNA ROM 11:11 Referans Kwoze

O leetar ole Pool a bindna GIMU WE NGENNA ROM 11:31

Den itam, kaa lang no nanaƭar ndiiki. Kaa koy, yirmande fee Roog nu ndaawna, xan a tax da ndaaw yirmande fee ten itam.

O leetar ole Pool a bindna GIMU WE NGENNA ROM 11:12

Ii, boo njom ne den a refanna adna fa muum o njiriiñ no kaa jofna na Roog, soo a neewand ale da neewandeena a refan we ndefeerna Yaawuur o njiriiñ, kaam ee nam o njiriiñ onqeene a fodkaa yaa da nomtooxna na Roog?

O leetar ole Pool a bindna GIMU WE NGENNA ROM 10:19

Kaam laamtahinaa yee: Ndax kaa xeet fee Isra’el and’iran? Pitik, keeke refu ke Moyiis a layna, too ta inoor na Roog: «Xam tax nu siisaa xeet fee reeƭeerna xeet fa ndigil, wuuɗ fuux nuun, nu moƴ o siiknoor fa xeet faa fofeerna o and o leng.»

O leetar ole Pool a bindna GIMU WE NGENNA ROM 11:14

ndax ciis a ɓood na qeeñ no we fogtuuma xeet fa leng, boo leng-leng na den a mbaag o muc.

A pi ake 18:6

Kaa koy, Yaawuur we kaa siiknoor’u fo ten, a ndef no mbenan. Maaga, Pool a yirfa took den fo ut tikoorik um, ndax ta ref seede na den, too a lay a den ee: «Xan a saŋkax nuun a ref fo diy nuun. Ɓogooxaam teen! Ndiiki koy, mexe retaa farna fo we ndefeerna Yaawuur.»

Heseki’el 18:23

Ndax fa nqon fee no soxodu xe moƴanaxam ndi ta fes a ƭat a paaxeer um a cinj soo a ñoow? Mi o Yaal oxe na refkaa boo faw layun.

O leetar ole Pool a bindna GIMU WE NGENNA ROM 11:1

Kaam laamtaa boog, ndax Roog a deɓ’a xeet um? Ha’aa o mat, yaam mi fa xoox es sax, o Ii-isra’el refum, ref o ndaan Abraham, fog no kurcala le Bensame.

Heseki’el 18:32

Bugiim o leng a xon. Mbesyo pakaad nuun a cinj boog, ndax nu ñoow. Mi o Yaal oxe na refkaa boo faw layun.»

A pi ake 13:42

Ye Pool fa Barnabaas a sutooxna mbind a qeƭ naa, wiin waa a nqeɗa a den da nomtooxiid na bes a ñootnax ale na garaa, ndax da layit kaa farna no tig leng kut ke.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

YEGIL MBAAX NE YEESU ne Lik a bindtuuna 20:16

Xan a gar, a saŋik xooxoox waaga, soo a doxin a ƭing ale wiin lakas.» Yaa wiin waa a nanna a naxax aleene, a laya yee: «Muk!»