O leetar ole Pool a bindna GIMU WE NGENNA ROM 10:9 - NQAARIIT NE ROOG

⁹ Boo weejloona fo o don of mbaambir no fop ee Yeesu refu o Yaal oxe, gim no xeeñ of itam ee Roog a xontoornooraan a ndeer no xon we, yaaga xan o muc.

O leetar ole Pool a bindna GIMU WE NGENNA ROM 10:9 Referans Kwoze

YEGIL MBAAX NE YEESU ne Lik a bindtuuna 12:8

«Mexe layan a nuun, oxuu layna mbaambir no wiin we yee a andaxam, xan o Ƥeenqe no kiin oxe a lay mbaambir malaaka ke Roog ee a andaan.

A pi ake 16:31

A ndoonayo yee: «Gimi no Yaal oxe Yeesu, too xan o muc, wo fo wiin mbind of.»

Filip 2:11

soo o kiin oo kiin a lay ee Yeesu Kiristaa refu o Yaal oxe, Roog Faap fee a ɓoxotel o ndam no ten.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

O leetar ole Pool a bindna GIMU WE NGENNA ROM 14:11

A laye na Pind a Tedu ke yee: «Mi o Yaal oxe, ne ta wooritna yee mexe ñoowaa, neene a woortu itam ee xan wiin we fop a ngooknoox mbaambir es, too oxuu refna xan a xaanaa o ndam es, mi Roog.»

1 Korint 12:3

Ten taxu, um bug o lay ee: Oxuu na laytaa Yiif le Roog, waagee o lay ee: «Yeesu a salooxe!» Neene itam, o leng waagee o lay ee: «Yeesu refu o Yaal oxe!», yaa Yiif le Roog a riñeeruuna teen.

2Saŋ 1:7

Nu mbootoox koy, yaam kaa jeg mayu waa ndefatna na adna fee, a naxaa wiin we. Weene mbeejlee yee Yeesu Kiristaa a cerooxa, ye ta garna na adna fee, a ñoowaa nen o kiin. Oxuu na fi’aa keene, kaa naxiid wiin we, too o Mbodandoor-Kiristaa yoo.

YEGIL MBAAX NE YEESU ne Saŋ a bindtuuna 9:22

Kaa lay’u keene, yaam a saɗaraa aa-adax we no Yaawuur we. Weene kaa ngukir’u yee oxuu layna yee Yeesu refu Kiristaa fee o Muumucil oxe regteena, xan a sutel no mbokatax ne no Yaawuur we.

A pi ake 8:36

Ye da maadna o ndetaa koy, a ndaawa o mbiñ onqaa jegna foofi, too jawdiin faa a layaan ee: «Mee ndax keeke foofi yoo, xar yaqanu o batiise’aam?» [

A pi ake 2:24

Kaa koy, Roog a xontooxnooraan, too a muclin na xa ƭomel axe fa nqon a ataa, yaam fa nqon waag’iran o jeng na sañ-sañ um.

A pi ake 2:32

Yeesu feene, Roog xontooxnoorun, too in fop seede i ndefu itam.

O leetar ole Pool a bindna GIMU WE NGENNA ROM 4:24

ndaa in itam, teen i mbogu. Neene, in itam, i ƭeete nen jofu yaam ne i ngimna no xe xontooxnoorna a Yeesu fee o Yaal in a ndeer no xon we.

O leetar ole Pool a bindna GIMU WE NGENNA ROM 10:10

Yaam o kiin kaa gimaa no xeeñ um, soo Roog a jofandkan. Kaam ee, o kiin oxe kaa weejlaa o ngim um fo o don um, soo Roog a mucilkan.

O leetar ole Pool a bindna GIMU WE NGENNA ROM 14:9

Yaam Kiristaa a xona, a xontoox, ndax ta refan we na ñoowaa fo we nqonna o Yaal den.

1Saŋ 4:15

Oxe jaɓna o weejil ee Yeesu o Ƥeenqe Roog oo, Roog a gena no xeene kiin, too ten itam, oxe na Roog.