O leetar ole Pool a bindna GIMU WE NGENNA ROM 10:6 - NQAARIIT NE ROOG

⁶ Kaa koy, a guutatira fo ke layeena no cofel ole mbaambir Roog na pexey o ngim onqe. Kaa tee: Ba o lay no xeeñ of ee: «An na ŋaaykaa na asamaan?» tee kaa o fudniidaa a Kiristaa.

O leetar ole Pool a bindna GIMU WE NGENNA ROM 10:6 Referans Kwoze

Xa peƭit axe 30:4

Ndi an ŋaayu na asamaan soo a fudoortiid teen? An mupu nqeñ ne na xa ƥay um? An fofu poofi ke no ndoki um? An dalnu cat ke no lanq ke? Nam a ne’e fo nam o ƥeem a ne’e? Layeen, a soƥangaa yee andaano.

YEGIL MBAAX NE YEESU ne Saŋ a bindtuuna 6:58

Oxene mat refu mbuuru ne fudoorna na asamaan. Refitkee nen daan we nuun ñaam’ina maan, too yaqanee da nqon. Oxuu ñaamna no mbuuru neeke koy, xan a ñoowaa boo faw.»

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

YEGIL MBAAX NE YEESU ne Saŋ a bindtuuna 6:38

Yaam ke taxna um inoor na asamaan gar, refee yee ndax um fi ke felaxama fel, ndaa ndax um fi ke felna oxe luliidaxama.

YEGIL MBAAX NE YEESU ne Saŋ a bindtuuna 6:33

Mbuuru ne Roog refu ne fudoorna na asamaan, too adna fop, ta ci a den o ñoow.»