O leetar ole Pool a bindna GIMU WE NGENNA ROM 10:3 - NQAARIIT NE ROOG

³ Ne Roog a jofandtaa wiin we mbaambir um, kaa mo a den mir, soo da ndek a mbaaƭan a qoox den pexey naa da njofitna. Ten taxu njaɓee pexey ne Roog a jofandtaa.

O leetar ole Pool a bindna GIMU WE NGENNA ROM 10:3 Referans Kwoze

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

O leetar ole Pool a bindna GIMU WE NGENNA ROM 5:19

Nanaƭar no kiin o leng kut oxe taxu wiin mayu a ndefat baabakaad. Neene itam, yaam o kiin o leng kut oxe nananna a Roog, mayu xan a ƭeetel nen jofu.

O leetar ole Pool a bindna GIMU WE NGENNA ROM 1:17

Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

Esayi 57:12

Kaa koy, xam yegnit o cofel of fo a pi of mbatkeeroonga o njiriiñ o leng.

Esayi 51:8

Muj den xan a nand fo ndikoorik naa max ke a ŋereñna, ndaa o cofel es xan a ref boo faw, a muc es no suk boo no suk.»

YEGIL MBAAX NE YEESU ne Lik a bindtuuna 10:29

Kaa koy, o koor oxaaga a bug’a o ɓur, too a laamta a Yeesu yee: «An refu o kend es?»

Esayi 56:1

O Yaal oxe kaa tee: «Mbi’yo ke refna a ƭat, ngay o cofel, yaam a muc es ndiik a fadiid, too o cofel es xan a feeñ.

Nehemi 9:33

Wo, kaa o jof no fop ke dalna a in, yaam fesoortaa ngor, soo in o mat, i mbi paaxeer.

Esayi 64:6

Jegatee o leng oxaa na ƴufginooraa gon of mbaat oxaa yokooxna no damoox na wo, yaam kaa o sing a in mukit of soo xaƴ a in i mudaa na saŋkax yaam tooñ in.

A kim a tedu ke 71:19

Wo Roog, o cofel of kaa ret boo took-ee-took, wo fee fi’na tig magnu. Wo Roog, an fodu fa wo?

Ke bindeena no xe ne’eena YOB 33:27

Maaga, xan a xaan mbaambir no fop ee: «Bakaad’aam, ɗap a ƭat ale, ndaa Roog dooniraam ke helna na mi.

A paɗax ale 26:41

Pakaad keene o mat tax’u mi itam, um siiknoor fa den soo ɗox a den no saax le no fañ den. Yaa da neewandooxkaa, a njaɓ a qaw ale no tooñ ke den,

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

O leetar ole Pool a bindna GIMU WE NGENNA ROM 3:26

Neene a laltitu o cofel um na jamaane fee ndiiki, yaam ten fa xoox um kaa jof, too kaa ɗeetaa oxe jegna o ngim na Yeesu nen o cofu.

A ƭomatax ake 3:22

O paaxel no Yaal oxe kaa maadaa boo ndiik, too yirmande um fagee.

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

Esayi 51:6

Ndaxaaƴooxyo farna fa asamaan, ƭeet took lanq ke. Asamaan fee xan a mooc nen fo suun, lanq ke a siɗoox nen ñirax, soo we ngenna teen a nqonit nen buƈ, ndaa a muc ale mi xan a ref boo faw, too o cofel es wañooxkee.

A cangatin ale 6:25

Boo i ngayna kebil keene fop ndax i ndeef a den, ne ta heblituuna a in, xan i njof mbaambir no Yaal oxe Roog in.› »

Esayi 51:1

O Yaal oxe kaa tee: «Nuun we na naaɓaa o cofel ole too mbaaƭaxam, nan-gilooxaamoo! Ƭeetyo ɓil le nu mbaqaqoorna fo xooɗ le no gamb le nu suudteena.

O leetar ole Pool a bindna GIMU WE NGENNA ROM 10:2

Waagaam o seede’an a den ee waa ndamooxna no reef a Roog a ndefu, kaa rek o and den a nuk.

O leetar ole Pool a bindna GIMU WE NGENNA ROM 10:20

Esayi fa xoox um sax a reta boo a yegnit ee: «Roog kaa lay ee, waa mbaaƭoogeeraxama, a nga’axam, too feeñooxaam waa ƥaaloogeerna dara na mi.»

O leetar ole Pool a bindna GIMU WE NGENNA ROM 11:7

Xar na laykeel koy? Kene na laykeel: Xeet fee Isra’el ndaawee ke da mbaaƭoogna. Yoqatin we Roog a jilna soom ndaawun. Lakas we o mat, a qeeñ den kaa saƭik’u, soo o and ole a mo a den mir.