O leetar ole Pool a bindna GIMU WE NGENNA ROM 10:21 - NQAARIIT NE ROOG

²¹ No kaa farna na Isra’el koy, Roog a laya yee: «No ñaal ne fop, kaam letin xa ƥay es farna fa xeet fee nanaƭarna, too a yedin.»

O leetar ole Pool a bindna GIMU WE NGENNA ROM 10:21 Referans Kwoze

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Xa peƭit axe 1:24

Kaa koy, kaam xoy a nuun, nu nqox, um letin xa ƥay es, ndaa fidee o leng na nuun.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

1 Tesalonik 2:16

Kaa ndikaand a in, ndax i mbaagkee o mbaare we ndefeerna Yaawuur boo da njeg a muc ale. Keene koy, mayƭandu eedir ke saqna pakaad ke da mosna o mbi. Ten taxu a qaw ale Roog a dalat took den boo faw.

Yeremi 25:4

O Yaal oxe a lultiida a nuun duleer we dag um fop, roog fuu feedna ta luliid a den, ndaa nu nan-gilooxee, nu ndungee nof nuun, ndax nu nan.

A cangatin ale 31:27

Andaam o ɓoow nuun fo o saƭik xoox nuun. Nu siiknoorangaa fo o Yaal oxe kañ, ye maaduuma o ñoowaa a ndeer nuun, nam nu moƴkeerun o mbi’it, yaa xonuuma!

A cangatin ale 9:13

O Yaal oxe a layahinaxam ee: ‹Ga’aam ee xeet feeke wiin saƭku a qoox a ndefu.

YEGIL MBAAX NE YEESU ne Lik a bindtuuna 24:47

soo qeet ke fop a mbaare’el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um.

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»