O leetar ole Pool a bindna GIMU WE NGENNA ROM 10:20 - NQAARIIT NE ROOG

²⁰ Esayi fa xoox um sax a reta boo a yegnit ee: «Roog kaa lay ee, waa mbaaƭoogeeraxama, a nga’axam, too feeñooxaam waa ƥaaloogeerna dara na mi.»

O leetar ole Pool a bindna GIMU WE NGENNA ROM 10:20 Referans Kwoze

O leetar ole Pool a bindna GIMU WE NGENNA ROM 9:30

Xar i laykaa no keene boog? We ndefeerna Yaawuur mbaaƭoogeerna maa da njofitna mbaambir Roog, Roog kaa ɗeetat a den nen jofu na pexey o ngim onqe,

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

YEGIL MBAAX NE YEESU ne Lik a bindtuuna 14:23

O yaal mbind naa a laya o tag oxaa yee: ‹Reti na ƭat ake fo na xa salit axe, too fi’i fop ndax we o ga’kaa a ndokiid, ndax mbind ne mi a waag o may.›

Mace 20:16

Neene we mbalakna ndiiki a ndefitkaa we adooxna, soo we adooxna ndiiki a ndefat we mbalakna.»

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Esayi 52:15

neen qeet mayu a ndefitkaa no jaq yaam o ten, soo maad we a naang cel mbaambir um, yaam xan a nga kaa da mosaandeena o yegin, a and kaa da moseerna o nan ta layteel.»

Xa peƭit axe 28:1

O soxodu xe kaa ƴufaa too raxkaand, o cofu xe mat a jeg o woor nen njogoy njanglax.

1Saŋ 4:19

In o mat, kaa i mbexin, yaam ten eetu o fex a in.

O leetar ole Pool a bindna GIMU WE NGENNA ROM 9:31

ndaa we mbogna na xeet fee Isra’el o mat, too a mbaaƭoogu o njofandtel kebil ke mbaambir Roog, kaa nqoxiɗ.

O leetar ole Pool a bindna GIMU WE NGENNA ROM 10:3

Ne Roog a jofandtaa wiin we mbaambir um, kaa mo a den mir, soo da ndek a mbaaƭan a qoox den pexey naa da njofitna. Ten taxu njaɓee pexey ne Roog a jofandtaa.