O leetar ole Pool a bindna GIMU WE NGENNA ROM 10:18 - NQAARIIT NE ROOG

¹⁸ Kaam laamtaa boog: Ndax kaa nan’ee yegnit neene? Aha kañ! A nanaan tigi! Yaam a Pind a Tedu ke sax a laya kaa jofna teen ee: «Xa ñuxur den a njoota boo me lanq ke a ndayna, fa lay den a nannoox boo no cat adna.»

O leetar ole Pool a bindna GIMU WE NGENNA ROM 10:18 Referans Kwoze

A kim a tedu ke 19:4

Refee jeetaay mbaat xa ƭelem, o ñuxur den nankaand.

O leetar ole Pool a bindna GIMU WE NGENNA ROM 1:8

Eetu, na pexey Yeesu Kiristaa, kaam gidmaa a Roog es yaam nuun fop, no ngim nuun onqe na layteel kam adna fee fop.

Mace 24:14

Xan Yegil mbaax nene no Maat ne Roog a waare’el kam adna fee fop ndax ta ref seede no qeet ke fop. Cinj kaaga, xan muukandoong ne a gar.»

1 Tesalonik 1:8

yaam fa lay fee no Yaal oxe a jaaƥatiloortiida na nuun. Fa lay feene dayee soom kam Makedoni fa Akayi, ndaa o ngim nuun na Roog a nannooka muu refna. Keene koy, o layatan sax, caali yoo na in.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

Mark 16:15

Yeesu a laya a den ee: «Ndetyo kam adna fee fop, mbaare’ik we mbindeena fop Yegil mbaax ne.

Mace 28:19

Ndetyo mbi’ik qeet ke fop daalbe. Mbatiise’yo a den no gon le na Faap fee fo Ƥeenqe fo Yiif Tedu le,

Mace 26:13

No ndigil, mexe layaa a nuun ee: Muu Yegil mbaax ne a waare’eena kam adna fee fop, xan a betandax no ke o tew oxene a fi’na a laytel maaga itam.»

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

Mace 4:8

O ƈiƴ oxe a dakooxaan o ɓis took o joong o jigdu lool, a lalin maat ke ndefna na adna fee fo kalal ke den fop,

Esayi 52:10

O Yaal oxe kaa lalaa qeet ke fop o ɓay o tedu le ten, too a muc ale Roog in xan a feeñ boo no cat adna.

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

A kim a tedu ke 98:3

A wetandooxa o mbeq um fo ngor um no mbind Isra’el. Cat ke no lanq ke fop a nga’a a muc ale hatna na Roog in.

A kim a tedu ke 22:27

We neewandooxna xan a ñaam boo a ngiñ, we na mbaaƭaa o Yaal oxe xan a simatin. «Yaasam nu ñoowaa boo kili!»

Esayi 24:16

In we nanaa a kim a inooru no cat adna yee: «O cofu xe a ɗaaya.» Mi o mat, kaam lay ee: «Kaam fag! Kaam fag tak! Sabab took es!» Hoohod we owe ngodaa, owe ngodaa tigi, oxuu moƴuuna waag o kend um, oxe fi’an.

1 Maad we 18:10

Ne ta wooritna yee o Yaal oxe Roog of oxe ñoowaa, neene a woortu yee o maad oxe yaal es a lula wiin kam qeet ke fop fo kam maat ke fop, ndax ta waaƭong, too boo we na saax akeene a layna yee refiro maaga, a mbara o ƥaat teen a taaƥ ee nga’irang.

O leetar ole Pool a bindna GIMU WE NGENNA ROM 15:19

na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.

A pi ake 28:23

A ndama bes, too yaa bes faaga a fadna, mayu a soƥiida a Pool me ta dal’ina. No kaa xotitna no nqes naa boo no yaar olaa, Pool a yegnooga a den Maat ne Roog, soo a jeemaa o gimnoor a den no kaa farna na Yeesu, ye ta tektaa a den ke bindeena kam kebil ke Moyiis fo kam a safe ke no duleer we.

Mark 16:20

Daalbe waa a ndeta, a mbaare’ik Yegil mbaax ne muu refna. O Yaal oxe a jalooga fa den, a laltaa yee waare den ndigil kak oo na pexey xa anddiloor axe ta yoonandtooguuna.]

A pi ake 26:20

Kaa koy, kaam eet o waare we ngenna Damaas fo we Yeerusaleem. Cinj kaaga, waare’aam we ngenna no jegel olaa Yudee fop fo we mbogna no qeet lakas ke. Xeɗaam a den da supit o ñoowooƭ, a nomtoox farna fa Roog, too a mbi’aa a pi akaa lalitna yee a suptooxa tigi.

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»