Yaam in fop, i nana Yegil mbaax ne, ne waa ndeeƭna na koƥ-a-ƥor alaa a nanit’uuna. A nan’a yegil neene, ndaa jiriiñ’ee a den dara, yaam kaa da nanin, ndaa ngimiran.
A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.
Nuun rew we itam, fat oxuu refna na nuun a jaɓan o kor um. A refangaa sax ee leng-leng na den ngimee na fa lay fee Roog, xan a ngar no ngim onqe na pexey a pesoorooƭ nuun, nuun we ndefna rew den. Maaga, soxla’kaand o lay mayu,
Cey, Gaagalati ñaku xoox we! An laxadu a qoox nuun? Nu mbetandooxe a paax ne Yeesu Kiristaa a warit’eena na kurwaa boo kaa fi’at sax nen kaa nu maadin.
Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.
Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.
Oxuu saɗarna o Yaal oxe fat a nan-giloox o ñuxur no tag um! Oxuu na ñaaƴaa no niɓaan ole too a ñak a qoolaand, fat a doon a koolax um no gon le no Yaal oxe, a damloox na Roog um!