O leetar ole Pool a bindna GIMU WE NGENNA ROM 10:14 - NQAARIIT NE ROOG

¹⁴ Kaa koy, nam a ƈufginooritkan, too ngimee no ten? Nam a ngimitkaa no ten koy, too nanee ta layteel? Ndi nam a nanitkaa ta layteel, yaa o kiin a waare’eerna kaa jofna no ten?

O leetar ole Pool a bindna GIMU WE NGENNA ROM 10:14 Referans Kwoze

Tiit 1:3

Ye hap fee a fadna, Roog o Muumucil in a feeñla fa lay um no Yegil mbaax ne ta doxnaxama soo a heblaam ndax um waare’in.

Hebre 11:6

O leng waagee o fel a Roog, too jegee o ngim. Yaaga boog, oxuu na mataa a Roog, a wara o gim ee Roog a jega, too kaa rabdaa we na mbaaƭan.

A pi ake 8:31

A doona a Filip ee: «Nam um waagkaa o andit ke keene a tekitna, um jegangee oxaa tektanaxama o ten?» Cinj kaaga, a xaƴa a Filip ta ŋaay took a sareet ale, a moof paam um.

Saak 5:15

A nqeɗtangaa o ngim, yaaga xan o Yaal oxe a wodandin, a innin. A fi’angaa bakaad itam, xan Roog a waasanin o ten.

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.

Efees 4:21

A wooraxam ee nu nana Yeesu a layteel, too nu njangne ndigil ne refna no ten, nu ndefangaa kerceen kañ.

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

A pi ake 19:2

too a laamit a den ee: «Ndax nu ndaawa Yiif Tedu le ye nu ngimatna?» A ndoonaan ee: «I mosee o nan sax ee Yiif Tedu a jega.»

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

Yoona 1:16

Ye da nga’na kaaga, a saɗar’ata o Yaal oxe lool, a ƥoxotaan sadax, soo a ndegoor fo ten.

Yoona 1:5

Maamaag we a ndiid’a lool, too oxuu refna na den kaa ƴufginooxoogu a roog um, soo a njooraa kam o maag ole tikoorik ke ndeeƭna kam a kaal ale, ndax da yelefandin. Yoona o mat a fudooxa boo a lanq-ee-lanq ale na kaal ale, a wondoox maaga, soo a naag hanq a ɗaan.

YEGIL MBAAX NE YEESU ne Saŋ a bindtuuna 9:36

A doona yee: «O Yaal oxe, an oo boo um gimaa no ten?»

Efees 2:17

Neene, Kiristaa kaa gar, a yegnitiid Yegil mbaax ne na ɓisiidaa jam. Kaa yegnin a nuun, nuun we ndefeerna Yaawuur, too ngoƭ’u a Roog, a fi’anin Yaawuur we mat’uuna itam.

A cangatin ale 30:13

Refee kaltaa o maag ole, ndik nu lay ee: ‹An na jootankaa a in o maag ole, a xotankin a in soo a nannoorin a in, ndax i ndeefin?›

Mace 20:7

A ndoonaan ee: ‹O leng jangee jang a in.› A laya a den ee: ‹Ndetyo na ƭing es nuun itam.›