O leetar ole Pool a bindna GIMU WE NGENNA ROM 10:12 - NQAARIIT NE ROOG

¹² Neene, jegee njektir leng a ndeer o Yaawuur oxe fo o tefee o Yaawuur, yaam o Yaal o leng kut oxe a njegu, too o ten na ci’aa we na ƈufginooxan fop paax um.

O leetar ole Pool a bindna GIMU WE NGENNA ROM 10:12 Referans Kwoze

Filip 4:19

Roog es koy, xan a ɗaxit coxla nuun fop halal um fo o ndam um na Kiristaa Yeesu.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

A kim a tedu ke 145:18

O Yaal oxe xe paam no we na ƈufginooxan fop, paam no fop we na ƈufginoortan ndigil.

1 Timote 2:5

Yaam Roog fa leng soom jegu. A jega itam o ndok-a-ndeer o leng kut onqaa refna a ndeer wiin we fa Roog. Ten refu Kiristaa Yeesu o kiin oxe,

Filip 2:11

soo o kiin oo kiin a lay ee Yeesu Kiristaa refu o Yaal oxe, Roog Faap fee a ɓoxotel o ndam no ten.

Efees 3:6

Keeke refu kunpa feene: Na pexey Yegil mbaax ne, we ndefeerna Yaawuur a njega a las fo Yaawuur we no ke Roog a geekanna xeet um. A ndefata njer leng kut, soo a mbog, den itam na tegit a leng kut ale Roog a regitna na Kiristaa Yeesu.

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

O leetar ole Pool a bindna GIMU WE NGENNA ROM 14:9

Yaam Kiristaa a xona, a xontoox, ndax ta refan we na ñoowaa fo we nqonna o Yaal den.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

Esayi 55:6

Mbaaƭyo o Yaal oxe, yaa ta waageena o ga, ƈufginooxeenoo, yaa ta refna paam nuun.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

1 Korint 15:47

O kiin o eetaand oxe kaa hat no lanq, a ref laalanq, o ƭikandeer oxe a inoor na asamaan.

1 Korint 1:2

In we simnaa a nuun, nuun mbokatax ne no gimu we ngenna kam teeru fee Korint fop, nuun we Yeesu Kiristaa a tedlandna, a xoy a nuun, ndax nu mbog no ten, simnaa itam fop we na ƈufginooraa gon no Yaal in Yeesu Kiristaa fo muu da mbaagna o ndef.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

O leetar ole Pool a bindna GIMU WE NGENNA ROM 15:12

Esayi a layahina yee: «Xan o ndaan Isay a gar, xan a maadoox took qeet ke ndefeerna Yaawuur, too qeet ke fop xan a ndoon yaakaar den no ten.»

A pi ake 9:14

Meeke sax, a jega sañ-sañ kaa ngatiidna no saasadax maak we, ndax oxuu na ƴufginoortaa gon of a jengel.»

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

A pi ake 7:59

Neeke mat Eceen a xeɗtoogu ye da ndooman a kac: «O Yaal oxe Yeesu, jaɓi o laaw es!»