O leetar ole Pool a bindna GIMU WE NGENNA ROM 10:11 - NQAARIIT NE ROOG

¹¹ Neene o mat a Pind a Tedu ke a laytun. Kaa dee: «Oxuu gimna no ten, sedkee muk.»

O leetar ole Pool a bindna GIMU WE NGENNA ROM 10:11 Referans Kwoze

Esayi 28:16

Ten taxu, keeke o Yaal oxe na refkaa boo faw a layu: «Mexey doonaa kam Siyoŋ ɓil fer laa ɗeetlooxeena, ɓil jafeñu laa jaƭna kooñ ne, a saƭik fer. Oxuu hoolooxuuna, xan a saƭik.

O leetar ole Pool a bindna GIMU WE NGENNA ROM 9:33

A Pind a Tedu ke sax a lay’a kaa jofna no ten ee: «Xam doon kam Siyoŋ ɓil laa na tolofnooraa, a ref gac laa na maafnooraa. Kaa koy, oxuu gimna no ten, sedkee muk.»

1 Piyeer 2:6

Yaam a laye kam a Pind a Tedu ke yee: «Mexe doonaa kam Siyoŋ ɓil maxir le jiluuma, ta ref oxe moƴna o jeg o njiriiñ. Oxuu gimna no ten, sedkee muk.»

Esayi 49:23

Xan o jeg lingeer kaa na numnanang xa teɓandoong of fo maad waa na saqkaa a den. Xan a ngung mbaambir of, a metaa fo ut ole na caf of. Maaga, xan o and ee mi refu o Yaal oxe, too we yaakaaraxama sedkee muk.»

Yeremi 17:7

Kaa koy, o koor oxe hoolooxna o Yaal oxe too a doxnoox no ten, a barke’e.

O leetar ole Pool a bindna GIMU WE NGENNA ROM 10:10

Yaam o kiin kaa gimaa no xeeñ um, soo Roog a jofandkan. Kaam ee, o kiin oxe kaa weejlaa o ngim um fo o don um, soo Roog a mucilkan.