O leetar ole Pool a bindna GIMU WE NGENNA ROM 1:9 - NQAARIIT NE ROOG

⁹ Roog a anda yee ndigil kak um layaa, ten fee um dagooxaa kam xeeñ es, yaa um waare’aa Yegil mbaax ne jofna no Ƥeem, too a anda itam ee kaam wetandooxaa a nuun kili na qeƭ es.

O leetar ole Pool a bindna GIMU WE NGENNA ROM 1:9 Referans Kwoze

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

2 Timote 1:3

Ñaal fo o yeng kaam wetandooxang na qeƭ es. Ten taxu itam, gidmaam a Roog fee daan es a ndagooxoogna, too mi itam um dagooxan ndiiki fo yiif dalu.

O leetar ole Pool a bindna GIMU WE NGENNA ROM 9:1

Ke um layiidaa ndigil kak oo. Kaam refan a Kiristaa, too maaɓiim dara. Yiif es jeejooxee, too a seede’anaxam na pexey Yiif Tedu le yee fa lay es ndigil oo.

1 Tesalonik 5:17

Naangyo o nqeɗaa ñaal fo o yeng,

2 Korint 1:23

Mi koy, Roog refu o seede es, too o laaw es doonum teen. O fañaa o toroxand a nuun soom taxu um heboox o ñak o nomtooxiid Korint.

1 Tesalonik 3:10

Ñaal fo o yeng, kaa i ngen no nqeɗaa, too saƭik teen, ndax i njeg o gom olaa i mbaagna o ngarit boo mbadin ke yoqna no ngim nuun.

1 Tesalonik 1:2

Kaa i ngen no ngidmanaa a nuun a Roog, nuun fop, yaa i nqeɗanaa a nuun.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

Filip 1:4

xeɗanaa a nuun, nuun fop, diisan ne ɗaaytuuma

A pi ake 27:23

O xoo sax, Roog fee fogtuuma, too um faɗooxan a feeñlaxam malaaka um, ta layaam ee:

A pi ake 19:21

Yaa kaaga a faafna, Pool a xalaat’a no yiif um ee a wara o ret Yeerusaleem, a xaañ Makedoni fa Akayi. Kaa lay’u yee: «Boo retuuma maaga, waraam o and teeru faa Rom itam.»

1 Timote 2:7

Ten taxu itam, um doonel o baawaare fo apootar – ndigil kak um layaa, too maaɓiim no dara – kaam doxnel o jangnaa we ndefeerna Yaawuur, ke refna o ngim fo ndigil.

Filip 2:22

Nu anda yee Timote a ɗeetloox’e ye ta rokaa no waare’ik Yegil mbaax ne fa mi, a bug o jal fa mi, ne o ƥiy a jaltaa fa faap um.

Galati 1:20

No ke um bindaa a nuun, ndeer es fa Roog oo, too maaɓiim.

2 Korint 11:31

Roog fee refna Faap no Yaal oxe Yeesu, ten oxe simateena boo faw, a anda yee maaɓiim muk.

A pi ake 24:14

Kaa koy, jaɓaam mbaambir of ee: Kaam faɗooxaa a Roog fee daan in a mbaɗooxoogna, reefandin na ƭat a qas ale da mbi’na a maamaaɓ. Kaa koy, gimaam fop ke bindeena na safe ke no kebil ke fo no duleer we.

A pi ake 12:5

Piyeer kaa yetooxoogel na kaso faa, ndaa we mbogna no fog olaa no gimu waa kaa nqeɗanoogun a Roog kili.

A pi ake 3:26

Neene boog, nuun Roog a eetu o sutan o tag um Yeesu, a luliidin ndax ta barke a nuun, yaa o kiin oo kiin na nuun a fesna njofaƭar um a cinj.»

YEGIL MBAAX NE YEESU ne Lik a bindtuuna 18:1

Yeesu a naxooxa a den, ndax ta lal a den ee a mbara o ngen no nqeɗaa, too a mbañ o mbaas.

Mark 1:1

Keeke refu mberaandoong ne no Yegil mbaax ne na laytaa kaa farna na Yeesu Kiristaa, o Ƥeenqe Roog.

Ke bindeena no xe ne’eena YOB 16:19

Maadaam o jegaa o seede na asamaan, o paafarit es oxe jiŋ took-ee-took.

1 Sami’el 12:23

Mi fa xoox es koy, xam wootooxaa o tooñ o Yaal oxe yaam o ñak o xeɗan a nuun soo fañ o jangin a nuun kili a ƭat a paax a cofu le.

Filemon 1:4

Kaam gen no gidmaa a Roog kili, too wetandooxang a mbanuu um xeɗaa.

Filip 1:3

Kaam gidmaa a Roog es cay a mbanuu wetandooxuuma a nuun,