O leetar ole Pool a bindna GIMU WE NGENNA ROM 1:30 - NQAARIIT NE ROOG

³⁰ Kaa da yaqraa ƭool a ndeer den, a mbañ a Roog, a yarwaƭar, a magnandoox, a kañooxaa, a saɗ no mbexeyaa paaxeer, a mbañ o njaɓan we ndimna a den.

O leetar ole Pool a bindna GIMU WE NGENNA ROM 1:30 Referans Kwoze

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

Yudaa 1:16

Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

Saak 4:16

Kaa koy, nu naangee o layaa keene, kaa nu magnandooxaa, niwooxaa na fa lay. Keene faaxee,

Saak 3:5

Neene a nandu no ɗelem: Ke ta neewna fop oo, a jega doole lool. Ƭeetyo o meldaand, ne ta neewitna rek! Kaa koy, a waaga o dox a koƥ a muum.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

2 Korint 10:15

I mbakooritkee jale no wiin lakas boo muk, too i njolkee a tet in, ndaa i yaakaara yee xan o ngim nuun a moƴ o ɓaatoox. Yaaga, xan i moƴ o mbadin calel cegu njiriiñ a ndeer nuun boo na tet in.

O leetar ole Pool a bindna GIMU WE NGENNA ROM 3:27

Mam o kiin a waagu o fakoorit? Sen! Xeƈa yaa ta fadnaa ke kebil ke a simitna? Boo muk! Fak le kaa sutel yaam o ngim onqe.

O leetar ole Pool a bindna GIMU WE NGENNA ROM 2:23

Kaa o fakooxaa yaam ee jegaa kebil ke Roog, soo tooñaa a Roog yaam naagiro o fi’aa ke kebil ke ten a simitna.

O leetar ole Pool a bindna GIMU WE NGENNA ROM 2:17

Kaa o ne’ooxaa o Yaawuur, wo fee saaƭooxna no kebil ke Roog, soo fakoortaa a Roog of,

A pi ake 5:36

No miñeer ke rek Tudaas a inooxu, a fi’ooxaa o kiin o maak, boo kaa fadna wiin teemeed nahik a ndabiidin. Kaa koy, yaa ta wareena, we ndeefooguuna fop a pictoora nen xa ƥiy tol, too layit’ataand.

YEGIL MBAAX NE YEESU ne Lik a bindtuuna 21:16

Xan we ndimna a nuun fo xa teɓ nuun fo fog nuun fo qaariit nuun a ngod a nuun, too xan a mbarnoor leng-leng na nuun.

Mace 16:21

Maaga, Yeesu a fertu o jangnaa daalbe we ten ee a wara o ret Yeerusaleem ndax maak waa fo saasadax maak waa fo jaajangin waa no kebil kaa Moyiis a ñagadilin. Xan a mbarin, ndaa no ñaal ndadkandeer naa, xan a xontoox.

Mace 15:4

Roog kaa lay ee: ‹Niwi a faap of fa ya of›, a lay itam ee: ‹Oxuu salooxna a faap um mbaat a ya um, kaa warel o war.›

Heseki’el 22:7

Faap fa yaay kaa nqeefel me wo, o gataakoon ole a ñagadileel a ndeer of, o waan ole fo o ñaaw oxe a mbalteel.

O baawaare xe 7:29

Kaa koy, ke ga’uuma refu yee: Roog kaa sak wiin we da njof, ndaa den o mat kaa njafeñin tige.

Xa peƭit axe 30:17

Oxe na xaadnooxaa a faap um, a saganit o nanan ole helna a ya um, a tooq ake na ƈufnand ake xan a yul a kid um, soo xa ñeek axe na canjiik ale a listir a den.

Xa peƭit axe 25:23

A ƥay foofi kaa ɓisiidaa a teƥ, ɗelem ñuuñu le a gartaa a tagid a kiɓooxu.

Xa peƭit axe 8:36

Kaa koy, oxe bugeeraxama ga, xoox um a loraa, we mbañaxama fop a ƈufanaa fa nqon.»

A kim a tedu ke 106:39

A pi den a nqoolaƭaranda a den, ye da ngore’aƭarna no Yaal oxe.

A kim a tedu ke 99:8

O Yaal oxe Roog in, wo jaaɓoogu a den, reeƭaa na den Roog fa muñu, ndaa rabdinooxoogaa njofaƭar den.

A kim a tedu ke 97:7

Fop we na mbaɗooxaa pangool ke, a nqaaƴooraa xa koɓong axeene xan a sed. Roog ke fop kaa ngungaa mbaambir no Yaal oxe.

A kim a tedu ke 94:4

Fiifi paaxeer weene kaa ƥelewƥelewnaa, a magnandooxaa na fa lay, a mbakooxaa.

A kim a tedu ke 81:15

yaaga neewandkoogaam fañ um no ñofu, o ɓay es a dal took no noon we ten.

A kim a tedu ke 52:1

O yaal a ƭat ale no jeejeek we a xoolne yee a cangtax alene kaa gimeel, a fog na ke Dawid.

A kim a tedu ke 49:6

Xar na taxkaa um saɗaraa ñaal taamaala, yaa paaxeer ke no we na ƈiƴtaa a mbidaxama?

2 Caloori ke 25:19

Ke xawoona Ee-edoom we taxu o yoɗ a kand. Ndiiki koy, moofi no mbind of! Xar taxu boo o bug o rok na xire faa malkeeroonga, maa o yenitkaa, wo fo maat ne Yudaa fop?»

2 Caloori ke 19:2

O ƭeet Yehu fee o ƥiy Hanani a xetooxiidaan, a layin ee: «Ndax soxodu we o bugko dimle’aa, soo fex we mbañna o Yaal oxe? O Yaal oxe kaa fuuxanong koy yaam ke fi’oona.

1 Maad we 20:11

O maad oxe Isra’el a doona yee: «Fat nu mbetandanaam a Ben-Hadad ee: ‹Retaa fakooxaa, o gataa fakooxaa moƴun.› »

A cangatin ale 27:16

‹Oxuu niwaƭarna a faap um mbaat a ya um a halakooxa!› Fat xeet fee fop a ndoon ee: ‹Amiini!›

A cangatin ale 7:10

Kaa koy, a naaga o rabdinooxaa took no we sibuuna soo a saŋik a den. Kaam ee kaa rabdaa no ñofu we sibuuna.

A lim ale 10:35

Boo arka ne a retoogna, Moyiis kaa layoogu yee: «O Yaal oxe, naagi daket, ndax fañ we wo a pasaroor, soo we na ñoxoraa fa wo a ngod o joor.»

YEGIL MBAAX NE YEESU ne Saŋ a bindtuuna 7:7

Adna fee mbaagee o sib a nuun. Mi koy, mbaagiraam o ñak o sib, yaam kaam seede’anaa a den a qool qac ee ke da mbi’aa faaxee.

A kim a tedu ke 10:3

O soxodu xe kaa fakoortaa a yuxum o laaw um. Oxe na ƴufanaa o jeg o xooleer kaa salooxaa o Yaal oxe soo a xaadnooxan.

A kim a tedu ke 5:5

Refiro Roog faa kañaan a sawarnooraa, too o paaxeer yongkee no mbind of muk.

Xa peƭit axe 24:8

Oxe na yuuɓaa paaxeer kaa xoyeel o caajaxasrand.

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.

Heseki’el 14:5

Neene, xam duq mbind Isra’el no xeeñ, den we mbesaxama a cinj yaam pangool ke den.