O leetar ole Pool a bindna GIMU WE NGENNA ROM 1:26 - NQAARIIT NE ROOG

²⁶ Ten taxu Roog a xaƴ a den na yuxum a sednooxu boo ta tax rew we a mbaas gor den, a mbesanraa a ndeer den.

O leetar ole Pool a bindna GIMU WE NGENNA ROM 1:26 Referans Kwoze

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

1 Timote 1:10

Weeke itam a mboga teen: We na seeqaa, goor we na mbesanraa a ndeer den, we na ngignaa xa teɓandoong, maamaaɓ we fo we na seede’aa na xa maaƥ. Fop ke guutatirna fo a cangin a ñoow ale a foga teen.

O leetar ole Pool a bindna GIMU WE NGENNA ROM 1:24

Ƭof den neene taxu Roog a xaƴ a den da saasaayaa ne a qeeñ den a mbugtuuna, ndax da mbi’raa cednooxu no cer den.

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

Efees 4:19

Naangee o sedaa dara, a ngen no combol-combol, ndax da mbi qoolaƭaru kuu ndefna, too mbaagee o ndeyƭoox.

Mberaand 19:5

A nqoya a Lot, a layin ee: «Taa goor we mbe’iidna no mbind of? Sutiidi a den, boo i mbi a den nen rew.»

Haahate we 19:22

Ye da ndeerna a ñaamaa, goor jaree tus we na teeru fee a mbida mbind ne o kurul-keƥ, a mbakaa o don-maax ole soo a lay o nogoy oxe refna o yaal mbind ne yee: «Sutiidi o koor oxe dalna no mbind of, ndax i mbi’in nen o tew.»

Efees 5:12

O moof laytaa ke wiin weene a mbi’aa na kunpa sax kaa sednoox.

1 Tesalonik 4:5

a fañ a yaaw a pagkatar a sufoox took um, ne da ndalitna took gimaƭaru we andeerna a Roog.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

Yudaa 1:10

Den o mat, kaa mbenaa ke da andeerna, o raƥ-yiif den nen a muumeen a ref ke na doxaa a den.

A kim a tedu ke 81:12

Kaa koy, xeet es nan-gilooxee o ñuxur es, Isra’el a fañaam faƥit.