O leetar ole Pool a bindna GIMU WE NGENNA ROM 1:23 - NQAARIIT NE ROOG

²³ O ndam onqe helna a Roog fa mbaafkeer fee kaa ƥoxotan nitaal o kiin mbaat ndiiƭ mbaat muumeen mbaat ƥood ndefna kaa na sooƴaa.

O leetar ole Pool a bindna GIMU WE NGENNA ROM 1:23 Referans Kwoze

A kim a tedu ke 106:20

A softa a Roog fee o ndam den o daaƴ nqoox naa na ñaamaa daaƭ.

Yeremi 2:11

Ndax a jega xeet faa na sofaa roog den, ke da ndefeerna ndef roog fop oo? Xeet es o mat a softaxam xa koɓong xa ƥor, mi fee o ndam um.

A pi ake 17:29

Ten taxu in itam, ne i mbogna na xeet fee Roog, i mbaree o nandandit a Roog nitaal wurus mbaat xaaliis mbaat ɓil ndefna kaa o kiin o baane’u a fi’na.

O leetar ole Pool a bindna GIMU WE NGENNA ROM 1:25

Kaa sofit ndigil ne Roog o maaɓ, soo a ndek ee kaa mbaɗooxaa, a nananaa mbindel Roog, a mbañ o mbaɗoox o Saasak oxe. O ten koy, a hela o barke’el boo faw. Amiini.

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

Heseki’el 8:10

Rokaam, ɗeet too ga’aam nitaal xa qos ƥood axuu ndefna fo muumeen tiimbel kuu ndefna. Nitaal roog keene no mbind Isra’el fop kaa samandaalel took tabax ke, me widuuna fop.

A cangatin ale 5:8

Fi’kiro nitaal mbaat samandaal naa o faɗooxaa nen a Roog of, ta ref ke na asamaan fee mbaat took lanq ke mbaat kam poofi ke ndefna ɗuga lanq ke.

Esayi 44:13

O taadaaƴ oxe kaa letnaa o ƥaak o liiƥir um, a fi samandaal ne no mbangool ne fo gaagaañ, a xeeƈin fo o roomir, a samandaaltin a teex goɓi, a jalin ta nand fo o kiin, a saq mukit no kiin o ñoow jok, soo ta gen kam mbind.

Esayi 40:18

An nu mbugu o nandandit a Roog? Nitaal num nu mbugun o ndendandit?

1 Korint 12:2

Nu anda yee, ye nu ndefaa yeefar, kaa nu ndeɓoox’u no pangool ke, mbaɗooxaa a den, den we mbaageerna fa lay.

Esayi 40:26

Yoɗyo a kid nuun took too ƭeet! An saku kene fop? Ten refu oxe na fokataa a den ne da mbodeena fop. Kaa xoyaa a den fop, oxuu refna ta taar no gon um na pexey sañ-sañ um fa maak fa doole um fa njegu katil. Jegee o leng na den oxaa ta weecna.»

Mbeeñil 9:20

We yoq’ina no wiin we too nqonee no taamaala keene koy, mbes’ee a cinj xa taaƴ axe da mbi’’ina Roog den. Kaa ngen’u no mbaɗooxaa cini ke fo xa taaƴ wurus fo xa taaƴ xaaliis fa nqoolu fo xa taaƴ xanjar fo xa taaƴ ɓil fo xa taaƴ a teex axaa mbaageerna a ka, mbaagee fa nan, mbaagee a ñaaƈ.

A pi ake 10:12

Kam ƭaap neene koy, a jeg’a o xos muumeen oluu refna: Muumeeniin, ƥoodiin, tiiƭiin.