O leetar ole Pool a bindna GIMU WE NGENNA ROM 1:21 - NQAARIIT NE ROOG

²¹ yaam kaa da and a Roog boo a ƈut, soo a mbañin o ƥoxot o ndam nen a Roog, ne’katiim koy da ngidman. Kaa kuuc, a mo mir kam a qalaat den, soo a qeeñ den ake mbofeerna o and o leng, a ndiim kam o niɓaan.

O leetar ole Pool a bindna GIMU WE NGENNA ROM 1:21 Referans Kwoze

2 Maad we 17:15

Kaa ndeɓ bargal ke no Yaal oxe fo ngiɓoor ne ta dalin’ina fo daan we den fo a maƭax ake ta maƭoox’ina a den, a ndeefaa xa koɓong boo a ndefat xa koɓong. Kaa ngiɓoor’u fo qeet ke mbid’ina a den, ke o Yaal oxe a xañit’ina a den da laal a den fop oo.

Yeremi 2:5

O Yaal oxe kaa tee: «Ndi njofaƭar num daan nuun a nga’u na mi boo a tax da ngoƭaam, a ndeefan xa koɓong, boo a ndefat xa koɓong den fa qoox den?

A kim a tedu ke 50:23

Oxuu na ɓoxotaxam o ngidim nen sadax a niwaxam, too oxey na ƭat ale um lalitkan a muc es, mi Roog.

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

YEGIL MBAAX NE YEESU ne Saŋ a bindtuuna 3:19

O nanangaa hate faaga koy, kaa ye a qoolaand ale a garna na adna fee, wiin we kaa nqaƴin, a njil o niɓaan ole, yaam a pi den kaa mbaaxaƭar.

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

A kim a tedu ke 81:12

Kaa koy, xeet es nan-gilooxee o ñuxur es, Isra’el a fañaam faƥit.

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

O leetar ole Pool a bindna GIMU WE NGENNA ROM 11:10

Yaasam a kid den a niifaar, o ga den a sooƴ, tiiñ den a nqali boo xoo.»

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

O leetar ole Pool a bindna GIMU WE NGENNA ROM 1:19

Roog kaa xawaa a den yaam ke wiin we a mbaagna o and no ten a xoola a den. Roog a feeñlaan a den a qool qac.

O leetar ole Pool a bindna GIMU WE NGENNA ROM 15:9

Kaa fi boo waa ndefeerna Yaawuur a ƥoxot a Roog o ndam, yaam ne ta yirmitna a den. Keene ne’ooge, ye a Pind a Tedu ke a layna yee: «Ten taxu xam simatang ndeer qeet ke, xaanaa gon of.»

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

Hoose 2:8

Ten taxu xam wegit a ƭat um taxas kiƈ, widnin o ɗiiɗing, ndax suurkee na ƭat um.

Esayi 60:2

O niɓaan ole le muuraa lanq ke, a kuy ale a muuraa qeet ke, ndaa wo o mat, o Yaal oxe a xooldandaang nen njeeƈ naa na wataa, too o ndam onqe ten a feeña took of.

A kim a tedu ke 86:9

Wo o Yaal oxe, wo saku qeet ke fop. Xan a ngar, a ngung na caf of soo a ƥoxot gon of o ndam.

1 Piyeer 1:18

Nu anda a paax njigand ne nu mbatteena no ñoow kasaara le nu lamitna no daan nuun. Refee koy ee kaa na yaqooxaa nen xaaliis mbaat wurus watu a nuun,

O baawaare xe 7:29

Kaa koy, ke ga’uuma refu yee: Roog kaa sak wiin we da njof, ndaa den o mat kaa njafeñin tige.

A cangatin ale 28:29

nu naƥnaa njoloor o mbuc nen yaa ta reeƭna no niɓaan ne o puul a naƥnitaa, too nu ƭaaykee no yuuƥ ke nuun. Xan nu toroxandeel ñaal nuu refna, njangaleel, too o leng ƴufgiidkee a nuun.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

1 Maad we 20:23

Dag we no maad oxe Araam a layaan ee: «Roog fee Isra’el Roog fee na xa coong axe a refu. Ten taxu Ii-isra’el we a nqaw’u a in, ndaa fat i ñoxorit fa den na xa saawit axe. A woora yee maaga in na nqawkaa a den.

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

Heseki’el 20:25

Mi cooxu a den itam bargal kaa mbaax’eerna fo kebil kaa da mbaag’eerna o ñoowit.

Heseki’el 14:5

Neene, xam duq mbind Isra’el no xeeñ, den we mbesaxama a cinj yaam pangool ke den.