O leetar ole Pool a bindna GIMU WE NGENNA ROM 1:20 - NQAARIIT NE ROOG

²⁰ Naa adna a sake, ke waagaandeena o ga na Roog, refna katil mbaafkeer ne ten fo ke ta refna, a mbeeña no ke ta sakna. Meene o mat, wiin we a mbaagu o andit a den. Ten taxu boog, mbaagkaand o mbaasan,

O leetar ole Pool a bindna GIMU WE NGENNA ROM 1:20 Referans Kwoze

O leetar ole Pool a bindna GIMU WE NGENNA ROM 1:19

Roog kaa xawaa a den yaam ke wiin we a mbaagna o and no ten a xoola a den. Roog a feeñlaan a den a qool qac.

Esayi 40:26

Yoɗyo a kid nuun took too ƭeet! An saku kene fop? Ten refu oxe na fokataa a den ne da mbodeena fop. Kaa xoyaa a den fop, oxuu refna ta taar no gon um na pexey sañ-sañ um fa maak fa doole um fa njegu katil. Jegee o leng na den oxaa ta weecna.»

A kim a tedu ke 8:3

xottaa a simat na xa ton axe na xa teɓandoong xa tutuuñ axe fo no we na xa qeq axe yaam fañ we wo, ndax fañ we fo we mbugna o ndabdinoox a naang meek.

O leetar ole Pool a bindna GIMU WE NGENNA ROM 2:15

A lalta yee ke kebil ke a simitna a binde kam a qeeñ den, yaam a yiif den a naanga o njambaa a den, soo leek-leek da mbarit a den.

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.

YEGIL MBAAX NE YEESU ne Saŋ a bindtuuna 15:22

Um layiid’angee fa den, njegkoogee bakaad, ndaa ndiiki, ye da andna ndigil ne, soo a mbañin o ndeef, njegkee qañatiloor.

1 Timote 1:17

Roog fee mosna mos o refaa o maad, xonkee muk, too waagaand o ga. O ten soom refu Roog. Fat wiin we a ƥoxotin o niwel fo o ndam bo na moos boo moos. Amiini.

Kolos 2:9

No ten o mat Roog fo o yaajel um a xawoortu, a refat o kiin.

A kim a tedu ke 139:13

Wo saku ngiin es, moolaam no fud ya es.

A kim a tedu ke 119:90

Ngor of kaa ref no suk boo no suk, o sip lanq ke, da naang koŋ a saƭik.

A kim a tedu ke 104:5

Kaa o sip lanq ke took a per ake ten, too ngiiƈ-ngiiƈinkee boo muk.

Hebre 9:14

A reftangaa neene, nam fo’oy le Kiristaa a moƴitkeerun o waag o fi! Na pexey Yiif le na refkaa boo faw, a ɓoxota a xoox um a Roog nen sadax fa njegee sik. Fo’oy um xan a xooland a qeeñ in na pi a qonu ke, ndax i mbaag o njalan a Roog fa ñoow jok fee.

O leetar ole Pool a bindna GIMU WE NGENNA ROM 2:1

Wo o mat oo daɗkiro, fo xe refoona ref oo, wo fee na jambaa lakas we. Ne o jambtaa lakas we, neene o ŋaaynitaa a ƭat took xoox of, yaam kaa o jambaa lakas we, too fi’aa nen a den.

A cangatin ale 4:19

Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.

Kolos 1:15

Kiristaa refu nitaal Roog fee a ngid a waageerna o ga, a ref taaw um yaaga dara sakafulaand.

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

Esayi 26:4

Ngoolooxyo o Yaal oxe boo kili, yaam o Yaal oxe refu ɓil le na refkaa boo faw.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

A kim a tedu ke 104:31

Yaasam o ndam onqe no Yaal oxe a ref boo kili! Yaasam ta felakinoox no ke ta fi’na!

1 Timote 6:16

Roog soom xonkeeru. Kaa gen na qoolaand alaa o leng a waageerna o fad. O leng mosiran o ga, too o leng waagiran o doon a ngid sax. O ten soom jegu o niwel fa katil mbagkeer. Amiini.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

A pi ake 17:29

Ten taxu in itam, ne i mbogna na xeet fee Roog, i mbaree o nandandit a Roog nitaal wurus mbaat xaaliis mbaat ɓil ndefna kaa o kiin o baane’u a fi’na.

A kim a tedu ke 90:2

Yaaga xa coong axe njegafulee, yaaga sax sakafuliro lanq ke fa adna fee, yaaga boo fa ndiik wo refu Roog, too wo na refkan bo na moos boo moos.

A cangatin ale 33:27

Roog fee na refkaa boo faw refu njaɓnooxand of, a naax ake na ndefkaa boo kili a ndeegooxong. Ten na raxaa fañ we mbaambir of soo a heblong o moocand a den.

Hebre 11:27

O ngim tax’u Moyiis a sutoox saax laa Misira, too diid’ee fuux le no maad oxe. Kaa naag’u diŋ a saƭik wee ndax kaa ɗeetoogu oxe waagaandeena o ga.

Mace 5:45

Nu mbi’angaan, xan nu ndef xa ƥiy Faap nuun fee na asamaan, yaam kaa seeƈanaa faaxeer we fo faaxu we, a deɓanaa jofu we fo jofeer we.

Mberaand 21:33

Abraham a jimba purndu kam Beer-Seeba. A ƴufginoora gon le no Yaal oxe Roog fee na refkaa boo faw.

A pi ake 22:1

«Nuun fog we fo paap ke, nan-gilooxyo ke um layiidaa a nuun ndiiki, ndax um xoxit a xoox es.»

Mberaand 1:1

No mberaand naa Roog a saka asamaan fo lanq.

Ke bindeena no xe ne’eena YOB 12:7

O laamtangaa muumeen ke, xan a njangnong, o laamit tiiƭ ke, da aqatinong,

Yeremi 51:15

O Yaal oxe a sakta lanq ke katil um, a sinjit adna fee o and um soo a letnit asamaan fee o jeg-yiif um.

Mark 10:6

ndaa no mberaand naa na sak ale, ‹Roog a saka o koor, a sak o tew.›, ne ta bindteena.

1 Korint 1:20

Ten taxu ndiiki, an refu meen o yaal o and? An refu meen o cangu? An na inooxkaa meen a ñimatireel, ndax ta lalit yiif um? Kaa Roog feeñlee yee ke na fakoorteel na adna fee ñaku xoox oo?