O leetar ole Pool a bindna GIMU WE NGENNA ROM 1:18 - NQAARIIT NE ROOG

¹⁸ Fuux le Roog a feeñta na asamaan, a sufoox took no wiin we yaam njofaƭar den fo a pi a paaxeer den, den we na uuptaa ndigil ne paaxeer ke.

O leetar ole Pool a bindna GIMU WE NGENNA ROM 1:18 Referans Kwoze

Efees 5:6

Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

O leetar ole Pool a bindna GIMU WE NGENNA ROM 1:32

A anda toox de hate fee Roog, ta ref ee we na mbi’aa tig nandu neene, a saŋkax a hela a den, den fop. Refee soom ee kaa da maadin o mbi’aa, ndaa kaa soobaa lakas we, da mbi’an itam.

Kolos 3:6

Keene o mat na taxaa fuux le Roog a dal took we nanaƭarna.

2 Tesalonik 2:10

Kuu naanaxir ke no cofaƭaru xe a mbaagna mbaag o ndef fop oo, we mo’na ndefu we yapatilna o mbex ndigil ne mucilkoogna a den.

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

O leetar ole Pool a bindna GIMU WE NGENNA ROM 5:9

Ndiiki koy kaa i ƭeeteel nen jofu yaam fo’oy le ten ɓaxeena. Ten taxu i mbaagkaand o ñak o mucil itam no fuux le Roog na pexey um.

O leetar ole Pool a bindna GIMU WE NGENNA ROM 4:15

Kebil ke na ndimaa fuux le Roog, too muu kebil a njegeerna, a ƭap kebil jegee maaga itam.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

O leetar ole Pool a bindna GIMU WE NGENNA ROM 2:3

Wo o mat, wo fee na jambaa we na mbi’aa keene, too fi’aa nen a den, foogaa moos ee xan o daɗ hate fee Roog?

O leetar ole Pool a bindna GIMU WE NGENNA ROM 1:19

Roog kaa xawaa a den yaam ke wiin we a mbaagna o and no ten a xoola a den. Roog a feeñlaan a den a qool qac.

O leetar ole Pool a bindna GIMU WE NGENNA ROM 5:6

Kaa hupna keene sax, ye i maadaa fo o neew doole in, Kiristaa a xonana jofaƭaru we na waxtu fee Roog a liiƥ’ina.

A sutax ale 23:7

Ba nu nan-gilooxaa xa maaƥ axe. Ba nu mbar a jaambuur fee mbaat o kiin o cofu xe, yaam mi o Yaal oxe ɗeetkiim oxe fi’na boom leene muk nen a jaambuur.

O leetar ole Pool a bindna GIMU WE NGENNA ROM 3:9

Xar i laykaa boog? Ndax in Yaawuur ngupu wiin lakas we? Muk! Yaam i njaɓa yaaga yee Yaawuur we mbaat we ndefeerna Yaawuur, den fop, owe na sañ-sañ bakaad.

2 Tesalonik 2:6

A jega kaa taxna boo waagee o feeñ ndiiki, too nu andaan.