O leetar ole Pool a bindna GIMU WE NGENNA ROM 1:17 - NQAARIIT NE ROOG

¹⁷ Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

O leetar ole Pool a bindna GIMU WE NGENNA ROM 1:17 Referans Kwoze

Habakuk 2:4

Xeet feene kaa magnandoox too njofee. Kaa koy, o cofu xe xan a ñoow, yaam ne ta gimna na Roog.»

Galati 3:11

A woora yee mbaambir Roog, o leng jofandkaand, yaam ne ta fi’aa ke kebil ke a layna, yaam a binde yee: «Oxuu Roog a ɗeetna nen o cofu yaam ne ta gimna, xan a ñoow.»

Hebre 10:38

Neene koy, oxuu ɗeetuuma nen o cofu, xan a ñoow na pexey o ngim um. Kaa koy, a nomtooxangaa a cinj, sawarkatiim no ten.»

Filip 3:9

Neene, xam soƥel no ten, refee koy fo o cofel ole na hataa no reef kebil ke Moyiis, ndaa fo o cofel ole o ngim na Kiristaa a cooxtaa, o cofel ole na daawteel na Roog na pexey o ngim.

O leetar ole Pool a bindna GIMU WE NGENNA ROM 9:30

Xar i laykaa no keene boog? We ndefeerna Yaawuur mbaaƭoogeerna maa da njofitna mbaambir Roog, Roog kaa ɗeetat a den nen jofu na pexey o ngim onqe,

O leetar ole Pool a bindna GIMU WE NGENNA ROM 3:21

Ndiiki koy, Roog a feeñla a in ne o kiin a waagna o jofit mbaambir um, too reefkee no kebil ke. Kebil ke fo duleer we sax a layit’aan.

O leetar ole Pool a bindna GIMU WE NGENNA ROM 3:3

Xar na laykeel boog, a soƥangaa yee leng-leng na den kaa ngore’aƭar’u? Ndax ngore’aƭar den neene a waaga o riñ a Roog no gore’aƭar?

YEGIL MBAAX NE YEESU ne Saŋ a bindtuuna 3:36

Oxuu gimna no Ƥeenqe, a jega o ñoow o fagkeer ole. Oxuu nananeeruuna koy, jegkee o ñoow oleene, too fuux le Roog oxe cay took um.»

Heseki’el 18:9

Kaa reefaa kebil es, a gayaa bargal es yaa ta fesoortaa ndigil ne. O kiin o nandu neene a jofa tigi, too a woora yee xan a ñoow. Mi o Yaal oxe na refkaa boo faw layun.

O leetar ole Pool a bindna GIMU WE NGENNA ROM 3:22

Roog kaa ɗeetaa wiin we nen jofu mbaambir um na pexey o ngim den na Yeesu Kiristaa. Kaa fi’anan we ngimna na Kiristaa fop, yaam jegee njektirand leng:

O leetar ole Pool a bindna GIMU WE NGENNA ROM 10:3

Ne Roog a jofandtaa wiin we mbaambir um, kaa mo a den mir, soo da ndek a mbaaƭan a qoox den pexey naa da njofitna. Ten taxu njaɓee pexey ne Roog a jofandtaa.

2 Korint 3:9

A soƥangaa yee o ndam onqe no kebil ke na njambaa wiin we fod’u neene, nam a waagu o refit boo calel ke na njofandaa wiin we mbaambir Roog ngupkiran o ndam?

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

A lim ale 21:9

Moyiis a xawa fangool xanjar, a ɗagin took a teex, too oxuu ɗeet’uuna, yaa fangool a ŋatuuna, a wod.