O leetar ole Pool a bindna GIMU WE NGENNA ROM 1:16 - NQAARIIT NE ROOG

¹⁶ Sediim muk Yegil mbaax ne, yaam kaa ref katil Roog ne na ɓisiidaa a muc no xuu gimna, eetu koy no Yaawuur we, soo we ndefeerna Yaawuur a ndoonoox.

O leetar ole Pool a bindna GIMU WE NGENNA ROM 1:16 Referans Kwoze

Mark 8:38

Oxuu sedaxama, a sed fa lay es ndeer xeet fene na seeqaa, too a mbakaadaa, xan o Ƥeenqe no kiin oxe a sedin yaa ta garkaa kam o ndam Faap um, a yoon fo malaaka tedu ke itam.»

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

1 Piyeer 4:16

Kaa koy, a soƥangaa yee yaam ne refoona kerceen oo, ba o jeg teen gaci. Naagi o ɓoxotaa a Roog o ndam yaam gon of leene, inoorna no gon Kiristaa.

2 Timote 1:12

Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

YEGIL MBAAX NE YEESU ne Lik a bindtuuna 9:26

Oxuu sedaxama, a sed fa lay es, xan o Ƥeenqe no kiin oxe a sedin yaa ta garkaa kam o ndam um fo no ndam onqe na Faap fee fo no nqe no malaaka tedu ke.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

1 Korint 2:4

Ke layuuma fa nuun a koom, reeƭee fa lay fa laalaxad xoox mbaat um jikooxaa o jeg-yiif. Kaa reeƭu fa lay faa lalitna Yiif le Roog fa katil um,

1 Korint 2:2

Bug’iim o layit dara a ndeer nuun, a refangee Yeesu Kiristaa, moƴtaa sax Yeesu Kiristaa fee rengeena na kurwaa.

O leetar ole Pool a bindna GIMU WE NGENNA ROM 10:17

Yaaga boog, o ngim onqe, oxe inooraa no yegnit ne na naneel, soo yegnit neene a inooraa na fa lay fee Kiristaa.

Hebre 4:12

Yaam fa lay fee Roog kaa ñoow too a saƭik. Ten moƴu o weel saamar. Kaa godaa boo a daaw me o laaw fo yiif a nqetna, a suur boo me a kiɓ cer fo yuur a nqetna. Kaa jaqtaa paax fo paaxeer na pug fo na qalaat no kiin.

1 Korint 15:2

njegit teen a muc. Yaakaaraam ee ne yegnitanuuma a nuun, nu ndamtun a ndamit, yaam nu ndamtangiran neene, o ngim nuun kasaara soom a refkaa, ɗaxkee dara.

Yeremi 23:29

Ndax fa lay es nandee nen fiɗel, nen o leede jegu doole laa na duguñaa ɓil le?»

Galati 1:7

Refee koy ee kaa jeg yegil mbaax lakas, ndaa kaa jeg wiin waa na njom’andaa a nuun, a mbug o yaq Yegil mbaax ne Kiristaa.

O leetar ole Pool a bindna GIMU WE NGENNA ROM 2:9

Xan coono fo o njakad a ndal took o mbindeef onquu na fi’aa paaxeer, a eetit no Yaawuur we, soo we ndefeerna Yaawuur a ndoonoox.

A pi ake 3:26

Neene boog, nuun Roog a eetu o sutan o tag um Yeesu, a luliidin ndax ta barke a nuun, yaa o kiin oo kiin na nuun a fesna njofaƭar um a cinj.»

A kim a tedu ke 119:46

Kaam layaa mbaambir maad we fa lay of too sedkiim.

1 Tesalonik 2:13

Ten taxu, i ngen no ƥoxotaa a Roog o ngidim, yaam nu ndamtee Yegil mbaax ne ten i nannoorna, nen fa lay faa sutoorna no don no kiin soom. Kaa nu ndamtin nen fa lay fa ndigil fee Roog. Fa lay feene koy na jalaa kam a qeeñ nuun, nuun we ngimna.

Esayi 53:1

An gimu ke i nanna ta layteel? An anddu katil ne na ñamaak ale no Yaal oxe?

1 Timote 1:11

A cangin aleene koy, kaa inoor no Yegil mbaax ne doxneema, too ta feeñlaa o ndam onqe Roog fee helna simatel.

2 Korint 9:13

Nu kañtange calel keene, xan a simat a Roog yaam ne nu mbeejlitna yee nu nanana Yegil mbaax ne Kiristaa soo lalit o laabiir ole nu mbogna fa den no fop.

2 Korint 2:12

Ye fadiiduuma Torowaas, ɓisiid Yegil mbaax ne Kiristaa, ke o Yaal oxe a halanaxama a ƭat ake fop oo,

1 Korint 9:18

Too a reftangaa neene, xar refu ndabid es? Ten refu um waare’aa Yegil mbaax ne na dara, ke andoona yee ten o baawaare Yegil mbaax a jegaa, um fañin o diiroox.

1 Korint 9:12

Lakas a njegangaa sañ-sañ feene na nuun, ndax in fa qoox in i moƴkoogiran o njeg a den? Kaa koy, sañ-sañ feene i laamtiran. Kaa i muñ fop, yaam ten moƴu i ŋaalooxaa wargal boo ta refat a panq no Yegil mbaax ne Kiristaa.

O leetar ole Pool a bindna GIMU WE NGENNA ROM 15:29

Andaam koy ee boo um garaa, xam fadtiid barke fa ndeyu sik fee Kiristaa.

O leetar ole Pool a bindna GIMU WE NGENNA ROM 15:19

na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.

2 Timote 1:16

Yaasam o Yaal oxe a xayand yirmande um kam mbind Onesifoor. Yaaloortaam no ten a caf a mayu, too kaso fee refuuma fi’iran gaci.

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

A kim a tedu ke 110:2

O Yaal oxe xan a letnit Siyoŋ o samb ole no katil of, o maadoox a ndeer no fañ of.

YEGIL MBAAX NE YEESU ne Saŋ a bindtuuna 7:35

Naaga, Yaawuur we a layra yee: «Ndi mam a rokkaa boo i mbaagkiran o nga? Ndax kaa retaa kam teeru ke no Geegeres we, maa ta waagna o soƥ xeet fee in pictoorna, soo a jangin itam we ndefeerna Yaawuur?