O leetar ole Pool a bindna GIMU WE NGENNA ROM 1:14 - NQAARIIT NE ROOG

¹⁴ Kaam saqan yokooxu we fo yokooxeer we, jangu we fo jangeer we Yegil mbaax ne nen o lad.

O leetar ole Pool a bindna GIMU WE NGENNA ROM 1:14 Referans Kwoze

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

A pi ake 9:15

Kaa koy, o Yaal oxe a layaan ee: «Inooxi rek! Yaam kaam jil o koor oxeene, too xam jiriiñoorin, ndax ta ɓis gon es mbaambir no qeet ke fo mbaambir no maad den fo mbaambir xeet fee Isra’el.

A pi ake 22:21

Maaga, o Yaal oxe a layaxam ee: ‹Reti rek, yaam xam lulong maa goƭna, farna fo qeet ke ndefeerna Yaawuur.› »

O leetar ole Pool a bindna GIMU WE NGENNA ROM 12:16

Njegyo njofoor a ndeer nuun. Ba nu magnandoox, ndaa njaɓyo ke neewandooxna fop. Ba nu mbi’oox nen waa njegna o and muk.

2 Korint 11:19

Nuun we njegna a qoox, ndiiki nuun we yidaq njaɓan ɗof we.

O leetar ole Pool a bindna GIMU WE NGENNA ROM 16:19

Kaa koy, fop a anda ne nu nananitna Yegil mbaax ne. Kaam felakinoortaa a nuun, ndaa itam bugaam nu njeg o and olaa nu mbi’taa paax, njeg itam o qoolel, mbootoox paaxeer.

O leetar ole Pool a bindna GIMU WE NGENNA ROM 13:8

Kaam ee ba nu saqan o leng o lad, a refangeerna o lad olene: Mbexiryo a ndeer nuun! Oxuu fexna lakas we a naaga o fadnaa ke kebil ke a simitna fop.

O leetar ole Pool a bindna GIMU WE NGENNA ROM 8:12

Ten taxu boog fog we, i njega wareef, kaa koy refee ke cer in a liiƥaa, ndax i ñoow no ke da mbugna.

O leetar ole Pool a bindna GIMU WE NGENNA ROM 1:22

Kaa mbi’ooxaa yaal o and, too a ndef ɗof say.

Esayi 35:8

Xan a jeg maaga a qal a podrande, a ƭat alaa na bugko xoyeel a ƭat a tedu le. Oxaa xoolaƭarna reefkee teen. We ndefanna o Yaal oxe soom na njegkan. Fop we na nqotkan mo’kee, boo no ɗof we sax.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

2 Korint 10:12

Ten taxu, i saɗee muk o liiƥoor a kand mbaat i nandandoor leng-leng no we ndoonna a qoox den took, yaam kaa liiƥoor liiƥir a qoox den, soo a ndodooxood, yaam kaa njegee o and tus.

1 Korint 14:16

Yaam a reftangee neene, too o xeɗaa fo yiif soom, nam o kiin sang um sang um oxe a waagu o doonit ee: «Amiini!» too andee ke xeɗoona, a refangaa sax ee kaa o gidmoogu a Roog?

1 Korint 14:11

O kiin a naagangaa o layaa, too naniim ke ta layaa, o kenar um refkaa no ten, ta ref o kenar na mi, yaam i nanree.

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

1 Korint 2:13

I naangangaan o laytaa koy, refee fo o fel-o-ɗek ole wiin we a mbi’na o and, ndaa kaa i laytan fo o and ole Yiif le a jangnaa, yaam i layaa fo waa njegna Yiif le Roog.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

A pi ake 28:4

Yaa waa ngenna no fimb laa a nga’na ƥood ne a saayooxaa no ɓay ole Pool, a layrooga yee: «A woora o mat ee oxene o baawar oo. Ke ta mucna muc no maag ole fop oo, o cofel ole Roog ci’iran ta ñoow.»

A pi ake 28:2

Waa ngen’ina maaga, a njeg’a na in o laabiir o maak. A ngeƥandan’a a in ngañ maak maa i mbaagna o ndaƭoor in fop, yaam tige kaa deɓoogu, soo a yoonit a cogoñ a maak.

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

Xa peƭit axe 8:5

Nuun we ndaƥna a yiif, aqatooxyo a kortax, nuun panxoy ke, njangyo o ƴiƴ.

Xa peƭit axe 1:22

«Nuun we ndaƥna a yiif, kaa nu ndefkaa no raƥ yiif boo a mban? Nuun xaaxaadnax we, kaa nu mbugko nqaadnooxaa boo a mban? Nuun panxoy ke, kaa nu mbugko sibaa o and ole boo a mban?