O leetar ole Pool a bindna GIMU WE NGENNA ROM 1:13 - NQAARIIT NE ROOG

¹³ Fog es, bugaam nu and ee kaam hebooxaa o xalatooxiid a nuun kili, ndax calel es a nqay me nuun, ne da nqayitna a ndeer qeet lakas ke, ndaa boo xaye, kaam maad o dikoox.

O leetar ole Pool a bindna GIMU WE NGENNA ROM 1:13 Referans Kwoze

A pi ake 19:21

Yaa kaaga a faafna, Pool a xalaat’a no yiif um ee a wara o ret Yeerusaleem, a xaañ Makedoni fa Akayi. Kaa lay’u yee: «Boo retuuma maaga, waraam o and teeru faa Rom itam.»

Filip 4:17

Refee koy ee um gindaa ci’it keene. Ke um waaƭaa kañ refu xa tim xa mayu xa paax axe na sutooraa no ñoow nuun.

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.

1 Tesalonik 4:13

Fog we, i mbuga o andnoor a nuun kaa farna no we nqonna, yaam ndik nu naqadilooxaa nen lakas we njegeerna yaakaar.

1 Tesalonik 2:18

Neene o mat i mbug’u o ƭeettiid a nuun. Mi Pool, um waaj’u keene jaf leng, boo na ƭak sax, ndaa Saytaane a kala a in.

2 Korint 1:8

Fog we, yaag oo toox de, i mbugee o mbaas a nuun no ñak-o-and no kaa farna no torox ole dalit’ina a in kam o jegel ole Asi. Kaa i naang’el ceq, ƥiiklel o saax oo saax, coono faa hupna doole in a dal took in, boo i ñak’atu yaakaar naa i ngeektaa o ñoow in sax.

1 Korint 12:1

Fog es, bugiim dara a mo a nuun no ke Yiif le Roog a ci’taa.

1 Korint 10:1

Fog we, bugiim nu mbeecit ee a jeg’a jamaane, daan in fop a ndeefanaa eel laa, a njoot o maag olaa,

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

YEGIL MBAAX NE YEESU ne Saŋ a bindtuuna 15:16

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

YEGIL MBAAX NE YEESU ne Saŋ a bindtuuna 4:36

Oxe na saxadlaanaa kaa rabdeel, too a naaga o fokatanaa o ñoow o fagkeer ole xa tim, ndax oxe na duufaa fo xe na saxadlaanaa a mbelakinooxandoor.

2 Tesalonik 2:7

Doole fa kunpa’u fee no njofaƭar ne kaa jalaa haat, ndaa koy, waagee o fesoor naa feltuuna boo yaa oxe na xañtan a inooxna meen.

2 Korint 2:14

Yaasam Roog a simatel, ten oxe na ɗoxaa in kili, in we mbogna na qaaj ale maafna na pexey Kiristaa. Ten na fexeyaa boo i mbaag o andnooraa gon um, nen tuñ pelu kaa pictooxna muu refna.

1 Korint 9:2

Um refangee apootar na kid no wiin lakas, ten refum na nuun, yaam nuun ndefu xa tim axe no ke jalanuuma o Yaal oxe.

A pi ake 21:19

Maaga, Pool a simnira fa den, a wetandoox a den ke Roog a fi’’ina no we ndefeerna Yaawuur fop a reefandin no calel ke ten.

A pi ake 15:12

Maaga, moofand naa fop a naaga cel a nan-gilooxaa a Barnabaas fa Pool, da mbetandooxaa xa anddiloor axe fo comlaand ke Roog a fi’nooroogna a den a ndeer no we ndefeerna Yaawuur.

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

YEGIL MBAAX NE YEESU ne Saŋ a bindtuuna 12:24

No ndigil, no ndigil, mexe layaa a nuun ee: A refangee kaa mbep a uupoox a lanq boo a xon, sang um a yoqaa, ndaa a xonangaa, a naaga o saqaa xa tim xa mayu.

Esayi 27:6

Na pe ake na ngaraa, xan xa taan axe Yakoob a yaadoox, Isra’el a neep bo soo a fiɗ, xa tim um ee gañ kam adna fee.

A pi ake 1:15

Na pe akaaga, Piyeer a inooxa a ndeer no fog olaa. Waa mbokatoor’ina a ndeeƭa ngap wiin teemeed fo wiin qarɓeen ƭik. Maaga, Piyeer a laya a den ee:

A pi ake 28:14

I soƥa maaga fog gimu, too a nqeɗa a in, i moof fa den boo bes fa ndakooxiidu. Neene deŋ i ndettu na teeru faa Rom.

O leetar ole Pool a bindna GIMU WE NGENNA ROM 1:12

Ten refu yee i mbokatoorangaa, i mbaag o saƭakinoorit o ngim onqe fokatna a in, nuun na pexey o ngim es, mi yoo no nqe na nuun.

O leetar ole Pool a bindna GIMU WE NGENNA ROM 7:1

Nuun fog we, nu ñakee o and ke buguuma o lay, yaam nu mokna kebil ke a paax. Kebil ke koy, owe njega sañ-sañ no kiin yaa ta ñoowaa soom.

1 Korint 1:10

Fog es, kaam bug, no gon no Yaal in Yeesu Kiristaa, nu mbog ɗelem leng kut, ndef o leng, nqaajoor a ñak a ndeer nuun. Kaam ee fat nu mbokatoor ndef o leng, mbog xalaat fo o liir.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

Galati 3:15

Fog we, ndiiki kaam bug o lay kaa andoona yee oxuu refna a andaan: Boo wiin a njofoorna no tig mbaambir no seede, o leng waagatiran o laaf, too o leng waagatee o ɓaat teen tig.

Galati 6:18

Yaaga koy fog es, yaasam yirmande fee no Yaal in Yeesu Kiristaa a ref fo a yiif nuun. Amiini.

Filip 1:22

Kaa koy, o ñoow es a jegangaa no calel ke mi o njiriiñ, ga’iim kaa moƴuuna.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.