O leetar ole Pool a bindna GIMU WE NGENNA ROM 1:12 - NQAARIIT NE ROOG

¹² Ten refu yee i mbokatoorangaa, i mbaag o saƭakinoorit o ngim onqe fokatna a in, nuun na pexey o ngim es, mi yoo no nqe na nuun.

O leetar ole Pool a bindna GIMU WE NGENNA ROM 1:12 Referans Kwoze

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

2 Korint 7:13

Keene riimand’u a qeeñ in. Refee soom ee a yaalax i ndaawu, ndaa i moƴ’a o mbelakinoox itam yaam o ɗaay ole Tiit a jegit’ina na nuun, nuun we ndalin’ina xeeñ um.

O leetar ole Pool a bindna GIMU WE NGENNA ROM 15:32

A reftangaa neene, too ta fel a Roog, xam fadtiid o ɗaay o maak, soo gif a ñootnax me nuun.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

Yudaa 1:3

Nuun we fexuuma! Kaam jeemoogu o bind a nuun no kaa farna na muc ale i njegna, ye ga’uuma yee wareef es oo. Ten taxu, mexe bindaa a nuun o leetar olene, ndax um saƭakin a nuun, nu maafrel yaam o ngim onqe Roog a ci’na jaf leng kut tedu we ndefna wiin um.

2Saŋ 1:4

Ye ga’uuma yee a jega na xa ƥeef waa na ndeefaa ndigil ne Faap fee a hebilna a ndeer in, sawar’aam lool.

2 Timote 1:4

Wetandooxaam itam xa kooniit of, too a taxa boo um bugong o doon a ngid, xeeñ es a waag o may fo o ɗaay.

Efees 4:5

O Yaal o leng soom jegu fo o ngim o leng kut fa batiise fa leng.

O leetar ole Pool a bindna GIMU WE NGENNA ROM 15:24

Bugaam o fi keene yaa um retaa Espaañ. Yaakaaraam o ga a nuun, yaa reefiiduuma meene boo daaw o ndimle nuun, ndax um waag o suur no saax leene, ta ref itam o wooƥ olaa um waagkaa o moofit fa nuun boo ñaal leng-leng.

O leetar ole Pool a bindna GIMU WE NGENNA ROM 1:11

Yaam kaam bug o ga a nuun lool boo ɓisiid a nuun barke faa inoorna no Yiif le Roog, ndax nu mbaag o saƭik no ngim onqe.

O leetar ole Pool a bindna GIMU WE NGENNA ROM 1:13

Fog es, bugaam nu and ee kaam hebooxaa o xalatooxiid a nuun kili, ndax calel es a nqay me nuun, ne da nqayitna a ndeer qeet lakas ke, ndaa boo xaye, kaam maad o dikoox.