O leetar ole Pool a bindna GIMU WE NGENNA ROM 1:11 - NQAARIIT NE ROOG

¹¹ Yaam kaam bug o ga a nuun lool boo ɓisiid a nuun barke faa inoorna no Yiif le Roog, ndax nu mbaag o saƭik no ngim onqe.

O leetar ole Pool a bindna GIMU WE NGENNA ROM 1:11 Referans Kwoze

2 Piyeer 1:12

Ten taxu, xam wetandaa a nuun keene kili, ke nu anduuna and fop oo, too saƭik kam ndigil ne nu ndaawna.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

2 Tesalonik 3:3

O Yaal oxe gore’na, xan a saƭkand a nuun, soo a saytoox a nuun no paaxeer oxe.

O leetar ole Pool a bindna GIMU WE NGENNA ROM 15:29

Andaam koy ee boo um garaa, xam fadtiid barke fa ndeyu sik fee Kiristaa.

1 Piyeer 5:12

Mexe bindaa a nuun a ƭelem a leng-leng akeene no ndimle Silwe fee fi’uuma nen o pog o kore’u, ndax um saƭakin a nuun, soo seede yee keene refu yirmande fa ndigil fee Roog. Saƭikyo a paax no ten!

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

2 Tesalonik 2:17

Yaasam ta yaal a nuun, a ci a nuun nu saƭik na pi a paax fo na ƭelem a paax itam!

A pi ake 19:6

Pool a doona xa ƥay um took den, too a ndaawa Yiif Tedu le. Kaa layoogatu lak pogreer, a njo’tanaa a Roog itam.

A pi ake 16:5

Pokatax ke no gimu we a saƭakinooxooga kam o ngim onqe, too gimu we a ƥaatooxooga bes oo bes.

2 Caloori ke 20:20

No feet olaa, a inooxa ƥiiɓ teel, a nqot farna fa koƥ-a-ƥor alaa Tekowa. Ye da ndetaa Yosafat a geenooxa a lay ee: «Nan-gilooxaamoo, nuun we ngenna Yeerusaleem fo Yuuyudaa lakas we fop. Fat a koolax nuun no Yaal oxe Roog nuun a saƭik too yaaga xan ta xoxit a nuun. Ngoolooxyo itam joojo’it we ten too yaaga xan nu njeg o ndam.»

1 Tesalonik 3:13

Yaasam ta saƭkand a qeeñ nuun kam o tedel o jegee ŋañel leng paam Roog Faap in, boo yaa o Yaal in Yeesu a garkaa, a yoon fo tedu we ten fop.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

Filip 4:1

Ten taxu koy, nuun fog es we fexuuma fex, nuun we sooɓaxama, ndef o ɗaay es fo o ndip es, koo saƭikyo no Yaal oxe, ngen na saƭik aleene.

Filip 2:26

Kaa bug o ga a nuun, nuun fop, ne nu nanna jir le ten, a leeƈ cer um.

Filip 1:8

Roog a anda yee ne Kiristaa Yeesu a jegitna o liir na nuun, nu sooɓtaxam.

2 Korint 9:14

Ne nu sooɓna a den koy, xan a nqeɗanaa a nuun yaam yirmande fa ngupu fee Roog a picitna took nuun.

2 Korint 1:21

Roog fa xoox um o mat na saƭkandaa a in fa nuun na Kiristaa, soo a dod a in.

O leetar ole Pool a bindna GIMU WE NGENNA ROM 15:32

A reftangaa neene, too ta fel a Roog, xam fadtiid o ɗaay o maak, soo gif a ñootnax me nuun.

O leetar ole Pool a bindna GIMU WE NGENNA ROM 15:23

Ndiiki koy, fadnaam calel es na xa cegel axeeke refuuma. Xa kiid xa mayu xey, kaam waajaa o ɗeetiid a nuun.

A pi ake 19:21

Yaa kaaga a faafna, Pool a xalaat’a no yiif um ee a wara o ret Yeerusaleem, a xaañ Makedoni fa Akayi. Kaa lay’u yee: «Boo retuuma maaga, waraam o and teeru faa Rom itam.»

2 Sami’el 13:39

Ye o maad Dawid a yaalooxatna na fa nqon fee no ƥeem Amnon, a yoonata fo yiif um, soo fuux um fa Absalom a ɓoos.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

2 Korint 11:4

Yaam o kiin a garangaa, a waare’aa a nuun a Yeesu fa lakas faa refeerna fee i mbaare’na mbaat ta soƥ ee kaa nu ndaaw yiif lakas laa fogreerna fo le nu ndaawna mbaat yegil mbaax lakas naa refeerna ne nu ndaawna, kaa nu njaɓanan a paax.

2 Sami’el 23:15

Dawid a diilooxa soo a lay ee: «Ey, um waag’ange o ci kaa yeruuma no foofi laa na ngas alaa refna no ndokand naa Betleheem rek!»

Mberaand 31:30

Ndiiki koy, feek xesaa boo ret yaam o diilooxaa mbind faap of, xar taxu o guuɗ teex ke mi?»

O leetar ole Pool a bindna GIMU WE NGENNA ROM 1:12

Ten refu yee i mbokatoorangaa, i mbaag o saƭakinoorit o ngim onqe fokatna a in, nuun na pexey o ngim es, mi yoo no nqe na nuun.

2 Korint 1:15

Ten taxu, kaam bug’u o eettiid me nuun, ndax nu ƭaayahin.