O leetar ole Pool a bindna GIMU WE NGENNA ROM 1:10 - NQAARIIT NE ROOG

¹⁰ Kaam gen no xeɗaa a Roog, ta ci’aam o wooƥ olaa ɗeettiiduuma a nuun, a felangaan.

O leetar ole Pool a bindna GIMU WE NGENNA ROM 1:10 Referans Kwoze

A pi ake 18:21

A asoora fa den, a rokit maaga a kaal, too a lay a den ee: «A felangaa a Roog, xam nomtooxiid me nuun.»

Saak 4:15

Kaa nu mbar o layaa kañ ee: «A felangaa a Roog» mbaat «Roog a maadnoorangaan a in, xan i mbi kene.»

Filemon 1:22

Mexe xeɗang itam o jagandanaam maa daluuma, yaam yaakaaraam ee xan Roog a jaɓ a qeƭ nuun, boo um waag o soƥiid a nuun.

1 Tesalonik 2:18

Neene o mat i mbug’u o ƭeettiid a nuun. Mi Pool, um waaj’u keene jaf leng, boo na ƭak sax, ndaa Saytaane a kala a in.

Hebre 13:19

Mi fa xoox es koy, kaam bug nu nqeɗanaam ndax Roog a ci’aam o wooƥ olaa taxna um ñof o nomtooxiid paam nuun.

Filip 4:6

Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

A pi ake 19:21

Yaa kaaga a faafna, Pool a xalaat’a no yiif um ee a wara o ret Yeerusaleem, a xaañ Makedoni fa Akayi. Kaa lay’u yee: «Boo retuuma maaga, waraam o and teeru faa Rom itam.»

1 Korint 4:19

Kaa koy, a felangaa o Yaal oxe, ndiik um ɗeetiid a nuun, too a koom um andan a xoox es katil no ga’atinooxu weene, fañ o day no ke da layaa,

A pi ake 21:14

Ne ta fañ’ina o nanan a in, i tiima, too i laya yee: «Yaasam ke Roog a bugna a jeg!»

O leetar ole Pool a bindna GIMU WE NGENNA ROM 15:29

Andaam koy ee boo um garaa, xam fadtiid barke fa ndeyu sik fee Kiristaa.

1 Korint 1:1

Mi Pool fee Roog a xoyna no bug um ndax um ref apootar Kiristaa Yeesu, mi fa Sosteen fee o pog nuun na mbindaa a nuun o leetar oleeke.