Nehemi 9:9 - NQAARIIT NE ROOG

⁹ Ga’aa o ñaat ole no daan in kam Misira too nanaa ƈufginax den, na ƥeeraamb alaa na Kal ale no xeet le.

Nehemi 9:9 Referans Kwoze

A pi ake 7:34

Ga’aam ne xeet es a xijliteel no saax laa Misira, too nanaam xa iin den. Ten taxu, fudooxiidaam ndax um wat a den. Ndiiki koy gari, um lulong maaga.›

A sutax ale 3:16

Reti fokat maak we Isra’el fop too lay a den ee: O Yaal oxe refna Roog fee no daan we nuun, a ref Roog fee Abraham fa Roog fee Isaak fa Roog fee Yakoob, a feeñooxaxam. Kaa tee: ‹Ga’aam a nuun too andaam ke nu ndooneel Misira.

A sutax ale 2:25

Roog a ga’a Ii-isra’el we too a anda coono den.

A sutax ale 14:31

Maaga, Ii-isra’el we a nga’a katil fa maak fee o Yaal oxe a saŋkit’ina Miimisira we. A koom, xeet fee a saɗaru o Yaal oxe, a ngoolooxin, a ngooloox a Moyiis fee o paɗ um.

Heseki’el 20:6

A koom, daaɓooxaam fa den fo o ɓay es took ee xam sutit a den no saax laa Misira, ɓis a den no saax laa horooxan’uuma a den, saax laa fo sis fo suum a ndaxritaa, le moƴna o mos na saax ake fop.

A pi ake 7:7

Kaa koy, Roog a laya yee: ‹Xam doon o ɓay es took xeet faaga mbi’na a den faɗ, too a koom da sutoox, a mbaɗoortaam o mbiñ onqene.›