Nehemi 9:6 - NQAARIIT NE ROOG

⁶ Wo doŋ refu o Yaal oxe! Wo fi’u asamaan fee, asamaan fee took-ee-took fo katil ke ten fop, lanq ke fo ke refna teen fop, xa maag axe fo ke da mbofna fop. Wo na ñoownaa ke sakeena fop, too katil ke na asamaan mbaambir of a ngungaa.

Nehemi 9:6 Referans Kwoze

Esayi 37:16

«O Yaal oxe Hupna fop, wo Roog fee Isra’el, wo fee pindel yeeyetax ke a ndeegooxna uum-maamaad le wo, wo soom refu Roog fee no maat ke na adna fee fop, too wo saku asamaan fo lanq.

Mberaand 1:1

No mberaand naa Roog a saka asamaan fo lanq.

Mbeeñil 4:11

«Koo o Yaal oxe Roog in, jombiro ɓoxotel o ndam fo o niwel fa katil, yaam wo saku fop, too na pexey o bug of ke sakeena a reftu.»

A cangatin ale 10:14

O Yaal oxe Roog nuun jegu asamaan fee took-ee-took, a jeg lanq ke fo ke refna teen fop.

A cangatin ale 6:4

«Wo Isra’el, nan-gilooxi! O Yaal oxe Roog in soom refu o Yaal oxe.

Esayi 44:8

Ba nu ndiid, too ba nu send. Ndax kaa nannoorinum a nuun soo yegnin a nuun yaaga? Nuun ndefu seede es. Ndax a jega roog fa lakas faa jolna mi? Jegee ɓil jaɓnooxand lakas, mi o mat andinum.»

Esayi 44:6

Keeke o Yaal oxe Hupna fop, a ref o Maad Isra’el fo o baawat um, a layu: «Mi refu o eetaand oxe fo o palakaand oxe. Jegee roog fa lakas, a refangee mi.

2 Maad we 19:15

Maaga, a xeɗa mbaambir no Yaal oxe yee: «O Yaal oxe, wo Roog fee Isra’el, wo fee pindel yeeyetax ke a ndeegooxna uum-maamaad le wo, wo soom refu Roog fee no maat ke na adna fee fop, too wo saku asamaan fo lanq.

Mberaand 2:1

Neene asamaan fo lanq fo ke refna teen fop a njegtu.

Esayi 43:10

O Yaal oxe kaa tee: «Nuun ndefu seede es, ndef o tag es oxe jiluuma. Ke buguuma refu nu and, ngim too njaɓ ee mi yoo. Jegee roog fa lakas faa adooxaxama, too jegkee fa lakas faa reefanaxama.

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

A kim a tedu ke 36:6

O Yaal oxe, o mbeq of a yaajta nen a asamaan, ngor of a ret boo na eel akaa.

1 Maad we 8:27

Kaa koy, ndax no ndigil xan Roog a gen took lanq ke? O xeƈangee na asamaan fee took-ee-took, nam o xeƈitkaa no Mbind neeke maxanoonga!

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

Hebre 1:6

Kaa koy, na waxtu fee ta luliidna a Taaw um kam adna fee, Roog a laya yee: «Malaaka ke Roog fop a mbaraan o mbaɗoox.»

Esayi 37:20

Ndiiki koy, wo o Yaal oxe Roog in, mucli a in no ɓay Sanxerib, ndax maat ke na adna fee fop a and ee wo o Yaal oxe, wo soom refu Roog.»

A kim a tedu ke 86:10

Kaa o magin, too kaa o fi’aa comlaand. Wo soom refu Roog.

2 Maad we 19:19

Ndiiki koy, wo o Yaal oxe Roog in, mucli a in no ɓay Sanxerib, ndax maat ke na adna fee fop a and ee wo o Yaal oxe, wo soom refu Roog.»

Heseki’el 20:11

Cooxaam a den bargal es, andnoor a den kebil es ke o kiin oxe a warna o fadin, ndax ta ñoowit na den.

A kim a tedu ke 146:6

sakna asamaan fo lanq fo o maag ole fo ke refna teen fop, a gayaa ngor um boo faw.

A kim a tedu ke 103:21

Simatyo o Yaal oxe, nuun xiixire um fop, ndef dag um, mbi’aa ke refna o bug um.

A kim a tedu ke 33:6

Na pexey fa lay o Yaal oxe a saktu asamaan, soo ke refna teen fop, ta saktin haaƭ le no don um.

1 Maad we 22:19

Mikaya a layaan ee: «Nan-gilooxi kañ ke o Yaal oxe a layna! Kaam ga o Yaal oxe ta moof no uum-maamaad le ten, malaaka ke ten fop a ngeenoox na ñamaak um fo na janoon um.

YEGIL MBAAX NE YEESU ne Saŋ a bindtuuna 10:30

Mi fa Faap fee o leng i ndefu.»

Mberaand 32:2

Yakoob a suura a ƭat um. Malaaka Roog a nqetiida fo ten.

A pi ake 4:24

Yaa da nanuuna, a nqeɗandoora a Roog a maak, too a lay ee: «O Yaal oxe, wo saku asamaan fee fo lanq ke fo o maag ole fo fop ke refna teen,

Nehemi 9:5

Cinj kaaga, Leelewi we ndefna Yesuwa, Kadmi’el, Bani, Hasabneya, Serebiya, Hodiya, Sebaniya fa Petahiya a mbalalooxa yee: «Inooxyo, ngidim o Yaal oxe Roog nuun, bo na moos boo moos.» «O Yaal oxe, fat oxuu refna a niw gon of jegu o ndam, o magnel um a hupna o ngidim onquu refna fo a simat aluu refna.

A kim a tedu ke 24:10

An refu boog o maad o cegu ndam oxeene? O maad o cegu ndam oxe refu o Yaal oxe  Hupna fop. A maaf

A kim a tedu ke 102:25

Ten taxu um layin ee: «Wo Roog es fee faafkeerna muk, ba o jangaam meeke foduuma na doole es.»

A kim a tedu ke 115:15

Yaasam o Yaal oxe sakna asamaan fo lanq a barke a nuun!

Esayi 45:12

Yaag oo toox de, mi fiisu lanq ke soo sak pindeef ke ngenna teen. Mi letnu asamaan fee soo kelfa a yaj ake ten fop.

Yoona 1:9

Yoona a doona a den ee: «O Hebre refum, saɗar o Yaal oxe refna Roog fee na asamaan, sakna o maag ole fa jeeri fee.»

Mberaand 1:9

Roog a laya yee: «Fat poofi ke ndefna ɗuga asamaan fee a mbokatoor o mbiñ o leng soo beeru ke a feeñ.» Kaaga a jegta naaga.

A cangatin ale 32:39

Andyo boog ee mi yoo, mi soom refu Roog, too fa lakas jegee meen. Mi na jangaa o ñis, too mi na ñoownaa itam. Mi na gaañaa soo wodandaa. O leng waagee o wat o kiin no ɓay es.

A kim a tedu ke 124:8

O Yaal oxe fa xoox um refu ƈufig in, ten oxe sakna asamaan fo lanq.

Yeremi 32:17

‹Ey, o Yaal oxe na refkaa boo faw, wo saktu asamaan fo lanq katil magnu of fo o ɓay o jegu doole le wo. Dara xoxirang.