Nehemi 9:5 - NQAARIIT NE ROOG

⁵ Cinj kaaga, Leelewi we ndefna Yesuwa, Kadmi’el, Bani, Hasabneya, Serebiya, Hodiya, Sebaniya fa Petahiya a mbalalooxa yee: «Inooxyo, ngidim o Yaal oxe Roog nuun, bo na moos boo moos.» «O Yaal oxe, fat oxuu refna a niw gon of jegu o ndam, o magnel um a hupna o ngidim onquu refna fo a simat aluu refna.

Nehemi 9:5 Referans Kwoze

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

Esdaraas 3:11

Kaa njaaɓanroogu, a nqaanaa, a simataa o Yaal oxe fo a ƭelem akene: «Yaam a faaxa, too o mbeq um na Isra’el xan a maadaa boo faw!» Xeet fee fop kaa njibnoogu xa buuq xa maak, a simataa o Yaal oxe yaam fer le no Mbind ne no Yaal oxe.

1 Caloori ke 29:13

Ndiiki koy, wo Roog in, kaa i ngidmang too simataa gon of jegu o ndam.

A kim a tedu ke 146:2

Xam simataa o Yaal oxe no ñoow o ñis es fop, xaanaa a Roog es feek mexe ñoowaa.

A kim a tedu ke 145:5

soo a laytaa a qoolaand of fo o niwel of fo o ndam of. Mi yoo xam yegnitaa a pi a maak ake wo.

A kim a tedu ke 145:2

Kaam gidmang bes fuu refna, simataa gon of bo na moos boo moos.

A kim a tedu ke 134:1

A kim no ñaañaaƴ we yoo. Simatyo o Yaal oxe, nuun dag we ten fop na ngeenooxaa no Mbind ne no Yaal oxe na xa yeng axe.

A kim a tedu ke 106:2

An waagu o lay a pi katil ake no Yaal oxe? An waagun o simat bo ta dey?

A kim a tedu ke 16:2

Kaam layaa o Yaal oxe yee: «Wo refu o Yaal es, ke faaxna na mi fop na wo a hatu.»

2 Caloori ke 20:19

Cinj kaaga, Leelewi we na qaw ake Kehat fo na ke Koore a inooxa, a simat o Yaal oxe Roog fee Isra’el fo xa ñuxur xa cegu doole.

2 Caloori ke 20:13

Yuuyudaa we fop boo no rew we fo xa caaƈ axe kaa ngeenoox’u mbaambir no Yaal oxe.

1 Caloori ke 29:20

Cinj kaaga, Dawid a laya mbokatax naa fop ee: «Ngidimyo o Yaal oxe Roog nuun!» Mbokatax naa fop boog a ngidma o Yaal oxe Roog fee no daan den. A ngooknooxa soo a ngung mbaambir no Yaal oxe fo mbaambir o maad oxe.

1 Caloori ke 29:11

O Yaal oxe, wo jegu o magnel fa katil fo o mosel fo o ndam fo o niwel. Fop ke refna na asamaan fo took lanq ke wo jegun, yaam wo refu o maad, o Yaal oxe no pindel ke fop.

1 Maad we 8:27

Kaa koy, ndax no ndigil xan Roog a gen took lanq ke? O xeƈangee na asamaan fee took-ee-took, nam o xeƈitkaa no Mbind neeke maxanoonga!

1 Maad we 8:22

Cinj kaaga, Salomo a geenooxa mbaambir o sadaxand ole no Yaal oxe, a faambir fo mbokatax ne no Ii-isra’el we fop, a letin xa ƥay um took,

1 Maad we 8:14

O maad Salomo a geleerooxa, a faambir fo mbokatax ne no Ii-isra’el we fop ngeenoox’ina soo a barke a den.

A cangatin ale 28:58

Nu ngayangee ndax nu ndeef fa lay feeke fop no kebil ke mbindeena no safe lene, mbañ o saɗar gon maak saɗarnooxu le no Yaal oxe Roog nuun,

A sutax ale 15:11

O Yaal oxe, an nandu fa wo ndeer roog ke! Kaam ee an fodu fa wo o tedel, wo fee saɗarnooxna, jarel o tagas, fi’aa comlaand!

A sutax ale 15:6

O Yaal oxe, ndaw doole na ñamaak of! Kaam ee a ñamaak of a duguña o pañ oxe.

1 Maad we 8:15

Cinj kaaga, a laya yee: «O Yaal oxe Roog fee Isra’el a hela o simatel, yaam ten fadnitu katil um ke ta layoodna a faap es Dawid ee:

Nehemi 9:4

Yesuwa, Bani, Kadmi’el, Sebaniya, Buni, Serebiya, Bani fa Kenani a ŋaaya took ndaalaand a teex ne no Leelewi we soo a ƈufginooxaa o Yaal oxe Roog den a maak.

Nehemi 9:6

Wo doŋ refu o Yaal oxe! Wo fi’u asamaan fee, asamaan fee took-ee-took fo katil ke ten fop, lanq ke fo ke refna teen fop, xa maag axe fo ke da mbofna fop. Wo na ñoownaa ke sakeena fop, too katil ke na asamaan mbaambir of a ngungaa.

Haahate we 13:18

Malaaka fee a doonaan ee: «Xar taxu o laamtaa gon es? Com’andtu ne’eem.»

1 Caloori ke 16:36

O Yaal oxe Roog fee Isra’el a hela gidmeel bo na moos boo moos! Maaga, xeet faa fop a laya yee: «Amiini!», soo a simat o Yaal oxe.

Ke bindeena no xe ne’eena YOB 1:21

soo a lay ee: «Ɓisiidiim dara ye um garaa na adna, too ɓislooxkiim dara yaa um retaa. O Yaal oxe ci’tu, ten jangu. Yaasam gon le no Yaal oxe a simatel!»

A kim a tedu ke 66:2

Nqaanyo gon um jegu o ndam, ƥoxotin o ndam, tagasin.

A kim a tedu ke 99:3

Fat da tagas gon of magnu le too a saɗarnoox. Kaa ta ted.

Dañel 2:20

ee: «Gon le Roog a hela simatel bo na moos boo moos, ten fee yaal o jeg-yiif fa katil!