Nehemi 9:32 - NQAARIIT NE ROOG

³² Ndiiki koy, wo Roog in, Roog fa maak fee mayna katil too a saɗarnoox, wo fee na gayaa ngor ne fo ngiɓoor ne, ba o ɗeet nen tig pooreer naqad ke i ngomna fop, in fo maad in, kelfa in fo saasadax in, duleer in fo daan in fa xeet of fop, no kaa xotitna na jamaane faa maad we Asuur a maadooxoogna boo no ñaal nene.

Nehemi 9:32 Referans Kwoze

Nehemi 1:5

soo lay ee: «Ey, o Yaal oxe Roog fee na asamaan, Roog fa maak fa saɗarnooxu fee, wo fee na geekaa ngiɓoor ne soo laltaa yirmande no we mbexoonga too a ngayaa kebil of,

A cangatin ale 7:9

Fat nu and boog ee o Yaal oxe Roog nuun soom refu Roog. Kaa gore too a gayaa ngiɓoor um fo o paaxel um boo no suk cuni-cuni no we mbexuuna, a ngayaa kebil um.

Dañel 9:8

O Yaal oxe, seeƈaar in a jaga fa in, in fo maad we in fo kelfa ke in fo daan we in, yaam kaa i tooñong.

Dañel 9:4

Xeɗaam o Yaal oxe Roog es soo weejlin pakaad es ee: «Wo o Yaal oxe, Roog fa maak fa saɗarnooxu fee, wo fee na gayaa ngiɓoor of fo ngor of no we mbexoonga too a ngayaa kebil of,

Dañel 9:6

I nan-gilooxee duleer we dag of layanoogoonga fo maad we in fo kelfa ke in fo daan we in fa xeet fa muum fee no saax le.

A kim a tedu ke 66:5

Ngaryo nga a pi ake Roog! A pi um kaa saɗarnoox na xa ƥiy Aadama.

A kim a tedu ke 66:3

Layyo a Roog ee: «A pi ake wo a magna koy! Fañ of kaa ƥoodaa mbaambir of yaam katil maak ne wo.

A kim a tedu ke 47:2

Nuun qeet ke fop, mboxyo, njibnan a Roog xa soroxole,

Esdaraas 9:13

Fop ke dalna a in o ngar fo a pi a paaxeer ake in fo tooñ maak ne in oo. Yaag oo toox de, wo Roog in, xawiro a in ne ta jagritna fo njofaƭar in too xaƴaa o yoqatin onqene na xeet fee in.

2 Maad we 25:7

Xa ƥiy axe Sedekiya a nqirse na kid faap den. Cinj kaaga, Nebukadnesaar a yulna a kid ake Sedekiya, a feñtin ceen xanjar, soo ta ɓisel Babilon.

2 Maad we 23:29

No maat Yosiya, Neko, a ref Firawon fee o maad Misira a adooxana xiixire we ten, da njagin no xuluɓ olaa Ofrat, ndax da ƈufgik o maad oxe Asuur. O maad Yosiya a jeema o xañit Miimisira we da suur, ndaa ye Firawon fee a ga’uuna rek, a waraan. Keene xe xewit’a Megido.

2 Maad we 17:3

Salmanasaar fee o maad oxe Asuur a gara, a songin, soo Hoose a ɓoxotoox no ten, a rabdatan a bateer.

2 Maad we 15:29

Na jamaane Peqah fee o maad Isra’el, Tiglat-Pileseer fee o maad oxe Asuur a gara, a jaɓ teeru fee Iyon, Abel-Bet-Maaka, Yanowah, Qedes, Hasoor, o jegel ole Galaad, ole Galile fo saax le Neftali fop. A ɓisa took a hup doole we ngen’ina meene fop kam Asuur.

2 Maad we 15:19

Tiglat-Pileseer fee o maad oxe Asuur a roka no fiisel ole Isra’el. Maaga, Menahem a cooxaan ngap parig teemeed tadik fo parig qarɓeen nahik xaaliis fa nqoolu, ndax oxeene a dimle’in bo ta saƭkand maat um.

1 Maad we 8:23

a xeɗ ee: «O Yaal oxe Roog fee Isra’el, jegee roog faa nandna fa wo, ta ref na asamaan mbaat took lanq ke. Kaa o gayaa ngiɓoor ne fo o paaxel of a ndeer of fo dag of we ndamooxna na wo na qeeñ den fop.

A cangatin ale 7:21

Ba nu send mbaambir den, yaam o Yaal oxe Roog nuun oxey a ndeer nuun, Roog fa maak fa saɗarnooxu fee.

A paɗax ale 26:28

mi itam oo, xam siiknoor fa nuun kam fuux es, too xam xawrandahin boo a caf ɓetaa ƭaq a qaw ale no pakaad ke nuun.

A paɗax ale 26:24

xam siiknoor fa nuun itam, ɓaat o xawrand boo a caf ɓetaa ƭaq a qaw ale no pakaad ke nuun.

A paɗax ale 26:21

Nu mbesahinangaam a cinj, too mbañaam o nanan, xam xawrandahin boo a caf ɓetaa ƭaq a qaw ale no pakaad ke nuun.

A paɗax ale 26:18

Nu nananangiraam boo ndiik, xam xawrand boo a caf ɓetaa ƭaq a qaw ale no pakaad nuun.

A sutax ale 18:8

Moyiis a wetandooxa o seemir um fop ke o Yaal oxe a fi’na a Firawon fee fo Miimisira we yaam Isra’el. A wetandooxaan itam coono ke ndaloogna a den na ƭat ale fo ne o Yaal oxe a watit’ina a den.

Esdaraas 4:2

A soƥiida a Serubabel fo yaal ƥasil ke, a lay a den ee: «Kaa i mbug o maxatin fa nuun Mbind Roog nene, yaam Roog nuun i mbaɗooxaa nen a nuun too ten i ƥoxotaa sadax no kaa xotitna na jamaane faa Esar-Hadon fee o maad oxe Asuur a ɓisiidna a in mene.»

Esdaraas 4:10

fo qeet lakas ke Osnapar fa maak fa njegu gon fee a ɓisiid’ina took o hup doole soo a dalin a den na teeru fee Samari fo no fo mbiñ fo lakas ne no mudand ne no xuluɓ ole Ofrat fo lakas fo lakas.»

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

A cangatin ale 7:12

Nu nananangaa bargal ke ten, ndeef a den a paax, yaaga xan o Yaal oxe Roog nuun a gay ngiɓoor um fa nuun fo o paaxel um na nuun, ne ta daaɓoorit’uuna fo daan nuun.

A cangatin ale 7:13

Xan o Yaal oxe a fex a nuun, a barke a nuun soo a mayƭand a nuun, xa ƥiy axe ngatna no laaw nuun a naang gañ. Xan a barke ke lanq ke nuun a mbatkaa, bele fee fa biiñ fa nqas fee fa diwliin fee. Xan a barke itam xa siir axe nuun, da may fo xa qeel fo a ked ake nuun, da may xa pote. Xan a ci a nuun barke feene fop kam saax le ta daaɓooxna yee xan a ci’in daan nuun.

2 Maad we 17:6

No hiid ɓetuu nahkandeer ole no maat Hoose, o maad oxe Asuur a jaɓa a Samari soo a ɓis Ii-isra’el we ngen’ina teen kam Asuur took o hup doole. A dalna a den no jegel olaa Halah fo paam a ƈufnand alaa Haboor no jegel olaa Gosaan fo kam teeru ke no saax laa Medi.

2 Maad we 17:23

boo neen o Yaal oxe a deɓu a den maa goƭuuna, ne ta layit’uuna a reefandin no duleer we dag um. Neene, took o hup doole Ii-isra’el we a ƥise Asuur maa goƭna saax den, too maaga a maadu boo no ñaal roog ne xaye.